| e-texts navigator |
| Wylie |
3a1 དཔག་མེད།། རང་གི་བྱང་ཆུབ་སེམས་ཤེས་ན།། དངོས་གྲུབ་མཆོག་ནི་གཞན་ན་མེད།། ཕྱོགས་བཅུ་དུས་བཞི་སྣོད་བཅུད་ཀུན།། བྱང་ཆུབ་སེམས་སུ་འདུས་རྟོགས་ན།། སྐུ་གསུང་མི་ཟད་པར་ལྡན
3a2 པའི།། རྒྱན་གྱི་འཁོར་ལོ་ཐིག་ལེར་འཁོར།། སྟོང་སྨོན་རྒྱ་ཆད་འོད་གསལ་བར།། རིན་ཆེན་ཚོགས་ཀྱིས་བརྒྱན་པ་ཡིན།། རང་བྱུང་ཉི་ཟླ་པད་རིན་ཆེ།། བརྩེགས་ནས་རྒྱལ་བའི་གདན་ཉིད་ལ།། མཉམ་རྫོགས་ལྷུན་ལ
3a3 རོལ་བའི་ཕྱིར།། རྟོག་མེད་བྱང་ཆུབ་རྡོ་རྗེའི་སྐུས།། ང་དང་བདག་མེད་དབྱིངས་མཁྱེན་པས།། མི་གནས་ཉམ་ཉིད་ངང་ལ་སྤྱོད།། ཅེས་ཉིད་ལ་ཉིད་ཀྱིས་གསུངས་སོ།། རྡོ་རྗེ་གསང་བའི་ཚིག་ཏུའོ།། སྒྱུ་འཕྲུལ་དྲ་བ
3a4 ལས། ཕྱོགས་བཅུ་དུས་བཞི་མཉམ་པ་ཉིད་གཉིས་སུ་མེད་པར་སྟོན་པའི་ཕྱིར། ཕྱོགས་བཅུ་དུས་བཞི་ངེས་པ་མེད་པ་མཉམ་པ་ཉིད་དུ་བསྟན་པ་དང་། ཐམས་ཅད་བྱང་ཆུབ་སེམས་སུ་འདུས་པར་བསྟན་པ། གླེང
3a5 གཞིའི་ལེའུ་སྟེ་དང་པོའོ།། །། དེ་ནས་དེ་བཞིན་གཤེགས་པ་དགེས་པ་ཆེན་པོས། རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་བསྟན་པ་ལས། ཆོས་ཐམས་ཅད་ནམ་མཁའ་ལྟ་བུའི་ཡུམ་གྱི་དབྱིངས་སུ་འདུས་པར་བསྟན་པའི
3a6 ཕྱིར།། ཆེད་དུ་བརྗོད་པ་འདི་ཆེད་དུ་བརྗོད།། ཡང་དག་དོན་གྱི་གསང་མཆོག་ནི།། བདེ་བའི་ཐུགས་ཀྱི་དཀྱིལ་འཁོར་ཏེ།། ང་དང་བདག་མེད་དཀྱིལ་འཁོར་ལས།། ངེས་པའི་དོན་ཆེན་བཞི་བཅུ་གཉིས།། ཡིད་བཞིན
iiif viewer powered by OpenSeadragon
