| e-texts navigator |
| Wylie |
34b1 བསྒོམ།། བློ་ཡི་ཤེས་རབ་ཆེ་ཆུང་ལས།། རིམ་པ་བཞིན་དུ་བསྒོམ་པར་བྱ།། ཡང་ན་གཅིག་ཆར་བསྒོམ་པར་བྱ།། ཉི་ཟླ་གཟའ་སྐར་དུས་གཅིག་ཏུ།། ཆུ་དཀྱིལ་དངས་པར་གསལ་བ་བཞིན།། དེ་ལྟར་གོམས་རྟོགས
34b2 རིགས་མཆོག་དེས།། ཇི་ལྟར་དབང་སྒྱུར་བཞིན་དུ་འགྲུབ།། མཁའ་ལྟ་འཕྱོ་དང་རིགས་འཛིན་གནས།། ཆུ་རྒྱུན་ཟློག་དང་རླུང་མི་འགུལ།། རི་བྲག་ལ་སོགས་ཐོགས་མེད་འཛུལ།། ཆུ་ལ་མི་འབྱིང་མེས་མི་འཚིག། དུག།
34b3 དང་མཚོན་གྱིས་འཇིགས་མི་འགྱུར།། མི་སྣང་བ་དང་མང་པོར་སྤྲུལ།། གཞན་ཡང་ཇི་ལྟར་འདོད་པ་བཞིན།། ལྷ་སྲིན་རྣམས་ལ་དབང་སྒྱུར་དང་།། ཚེ་དང་དུས་ལ་བསྲིང་བསྙུང་དང་།། སྟོང་གསུམ་ཉུངས་འབྲུར་ཤོང
34b4 བ་དང་།། ཡུངས་འབྲུས་སྟོང་གསུམ་ཁེངས་པ་དང་།། ཇི་ལྟར་དམིགས་པ་བཞིན་དུ་འགྲུབ།། སྦྲུལ་དང་གཅན་གཟན་གདུག་པ་རྣམས།། ཁྱི་བཞིན་ཕྱི་ནས་འབྲང་བར་འགྱུར།། བདུད་དང་གདུག་པ་ལ་སོགས
34b5 པས།། ཚུགས་པར་མི་འགྱུར་བྲན་བཞིན་འགྱུར།། ལུས་མ་སྤངས་པར་རིགས་འཛིན་ས།། ཡེ་ཤེས་བསོད་ནམས་ལོངས་སྤྱོད་ཀྱིས།། ཡི་གེ་འཁོར་ལོ་ཚོགས་མཆོག་བརྙེས།། ཐུགས་རྗེ་སྤྲུལ་པའི་བྱིན་བརླབས
34b6 ཀྱིས།། སོ་སོར་ཐར་པའི་ལམ་ཡང་སྟོན།། འགྲོ་བ་མ་ལུས་དོན་ཡང་བྱེད།། ལས་རྣམས་ཐམས་ཅད་ཀུན་བྱས་ན།། སྐྱེ་ཤི་མེད་པའི་གཡུང་དྲུང་ཐོབ།། མཚན་དང་དཔེ་བྱད་ཀུན་གྱིས་བརྒྱན།། བསོད་ནམས་ཡེ་ཤེས
iiif viewer powered by OpenSeadragon
