| e-texts navigator |
| Wylie |
33b1 ཀྱི་རྒྱལ་པོ་སྒྱུ་འཕྲུལ་དྲ་བ་ལས། རོ་ལངས་སྒྲུབ་པའི་ལེའུ་སྟེ་ཉི་ཤུ་ལྔ་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ་བ་ལས་ཏིང་ངེ་འཛིན་གྱིས་རིམ་པར་སྦྱོང་ཞིང་། དངོས་གྲུབ་མྱུར་དུ
33b2 ལེན་པའི་ཐབས་དྲ་བ་ལས་འདི་སྐད་ཅེས་གསུངས་སོ།། དཀྱིལ་འཁོར་བསམ་ཡས་དངོས་གྲུབ་པ།། མི་དམིགས་དབྱིངས་ལས་དོན་འབྱིན་ཏེ།། མ་བཅོས་ཇི་བཞིན་དང་བཞག་དང་།། ལྷུན་གྱིས་གྲུབ་པའི་དཀྱིལ
33b3 འཁོར་འབྱུང་།། མི་དམིགས་ཐུགས་ཀྱི་དཀྱིལ་འཁོར་ལས།། ཏིང་ངེ་འཛིན་གྱི་དབང་སྒྱུར་ནས།། ཡེ་ཤེས་སྤྲུལ་པ་སྣ་ཚོགས་འགྲུབ།། སྤྱོད་ཡུལ་ཐམས་ཅད་མཎྜལ།། ཡེ་ཤེས་དཀྱིལ་འཁོར་ཐར་བྱེད
33b4 སྐྱོང་།། ལོངས་སྤྱོད་སྐུ་དང་སངས་རྒྱས་ཞིང་།། དེ་ལྟར་འདོད་པ་སྨོན་ན་འགྲུབ།། ཡངས་ཤིང་རྒྱ་ཆེ་ལྷུན་གྲུབ་ནི།། ཕྱི་ནང་སྣོད་བཅུད་ཡེ་ནས་དག། དག་རྟོགས་ཉིད་ཀྱང་དབྱིངས་ཉིད་དེ།། འདི་ནི་རྡོ་རྗེ་མཉམ་ཡིན
33b5 ནོ།། དངོས་གྲུབ་མྱུར་དུ་འགྲུབ་འདོད་ན།། ཤིན་ཏུ་ཕྲ་ཞིང་ཟབ་པར་བསྒོམ།། བདག་དང་བདག་གི་གཞན་རྣམས་ནི།། ཤིན་ཏུ་མི་དམིགས་དབྱིངས་སུ་བསྒོམ།། ཏིང་ངེ་འཛིན་དེ་གོམས་པ་དང་།། ཐམས་ཅད་སྒྱུ་མ
33b6 མིག་ཡོར་དང་།། སྤྲུལ་པའི་ཚུལ་དུ་ཤེས་པར་བྱ།། དེ་བཞིན་ཡང་ནས་ཡང་གོམས་ནས།། དེ་ནས་ཕྲ་བའི་ཏིང་འཛིན་བསྒོམ།། ཕྱི་ནང་སྣོད་བཅུད་ཧཱུཾ་དུ་བསྡུ།། གང་སྒྲུབ་ཡི་གེ་སོ་སོ་སྟེ།། སྤྱིར་ནི་གང་བསྒོམ་ཀུན་ཏུ
iiif viewer powered by OpenSeadragon
