| e-texts navigator |
| Wylie |
33a1 ཀྱང་ཐོབ་པར་བཟའ།། བཏུང་བ་དག་ཀྱང་དེ་བཞིན་ཏེ།། མར་མེ་རྟག་ཏུ་གཏང་བར་བྱ།། རྒྱུ་ནི་ནརྀ་ཡི་མར་ལས་བྱས།། ཡན་ལག་བསྐུ་བའང་དེ་བཞིན་ནོ།། སྡོང་པོ་པདྨའི་རྒྱུ་ལས་བྱ།། སྣོད་ནི་དུང་ཆེན
33a2 སྲུབས་མེད་པ།། ལུང་པོ་ཡོད་དང་མེད་ཀྱང་རུང་།། དེ་བྱི་པུ་ཏྲ་མ་བྱུང་བ།། མདོག་ནི་བན་གླང་ཅན་ལ་ཡོད།། རྡོ་རྗེ་སྒྲུབ་པ་བར་གཅོད་ཕྱིར།། རྟག་ཏུ་མཚམས་ནི་གཅད་པར་བྱ།། ནརྀ་ཡི་རྐང་པ་གཡས་གཡོན
33a3 ནས།། སྦོམ་པོ་མ་ཡིན་ཕྲ་བ་ཉིད།། དེ་ལ་ཀཱི་ལ་ཡ་བྱས་ལ།། ཕུར་པའི་སྔགས་དང་ཁྲོ་སྔགས་དང་།། ལན་འབུམ་དུ་ནི་བཟླས་ནས་ནི།། ལག་པ་གཡས་གཡོན་ཐལ་སོར་ལ།། ཁྲོ་བོ་བཅུ་དང་ཁྲོ་མོ་བཅུ།། འོད་འབར
33a4 གཟུགས་ཀྱི་སྐུ་རུ་བསྒོམ།། དེ་ནས་གཉིས་མེད་སྦྱོར་ཚུལ་དུ།། སྒྲུབ་པ་རྡོ་རྗེ་བསྒོམ་པར་བྱ།། སྒྲུབ་པ་དངོས་ལས་མ་གཏོགས་པ།། ཕྱོགས་བཅུ་རྣམས་སུ་མཚམས་ཡང་གཅད།། དངོས་གྲུབ་མ་ཐོབ་པར་དུ
33a5 ནི། བསྒོམ་དང་བཟླས་དང་ཕྱག་རྒྱ་གསུམ།། བག་ཡོད་མགོ་ལ་མེ་འབར་བཞིན།། བར་མཚམས་མེད་པར་བསྒྲུབ་པར་བྱ།། དེ་ལྟར་སྒྲུབ་པའི་རིགས་མཆོག་གིས།། ལྷ་མ་སྲིན་རྣམས་བྲན་བཞིན་འཁོལ།། འཇིག
33a6 རྟེན་དབང་ཕྱུར་དབང་དུ་སྡུད།། རྡོ་རྗེ་རིགས་མཆོག་འཁོར་རྐྱེན་རྣམས།། ཡིད་བཞིན་དུ་ནི་འབྱུང་བར་འགྱུར།། རྫུ་འཕྲུལ་ཆེན་པོ་དེ་དག་ནི།། ལུས་སྡུད་ནས་ནི་མངོན་དུ་ཕྱུང་།། དེ་མ་ཡིན་པར་ཤིན་ཏུ་གསང་།། རྒྱུད
iiif viewer powered by OpenSeadragon
