| e-texts navigator |
| Wylie |
32b1 དག་ཏུ་ཟོད་པ་བསྟན།། དེ་ནས་ནུབ་ཏུ་ཐོད་པ་བསྟན།། ཧ་ཡ་གྲི་བའི་སྐུར་བསྒོམ་ཞིང་།། སྔགས་ནི་འབུམ་ཕྲག་མང་དུ་བཟླས།། ཕྱོགས་བཅུར་སྤྲོ་ཞིང་ཞིང་ལ་བསྟིམ།། དེ་ནས་ཞིང་དེ་དྲག་འགུལ་ན།། རྡོ་རྗེ་ཏིང
32b2 འཛིན་དེ་ཡིས་ནི།། བརྟན་པ་ཉིད་དུ་བསྒོམ་པར་བྱ།། དེ་ནས་སྤར་སྤར་བྱེད་པ་དང་།། ཨ་ཎཱི་པྲི་དུ་ཏྲི་གང་ཡིན།། ཧྲི་ནརི་ཨར་བསྒྱུར་ཏིང་འཛིན་གྱིས།། རྡོ་རྗེ་དྲག་ཏུ་བརྡེག་ཅིང་དབབ།། ཐོད་པའི་ཁ་ནས་ཧྲི་བྱུང
32b3 ནས།། རྡོ་རྗེ་ཏིང་འཛིན་སོ་ཡིས་བཅད།། རྡོ་རྗེའི་སྔགས་ཟློས་ཁོང་དུ་བསྟིམ།། གཉིས་སུ་མེད་པར་བསྒོམ་པར་བྱ།། དེ་ནས་ཞིང་དེ་ལངས་པ་དང་།། རྡོ་རྗེ་བྱིན་ནས་དབང་ཡང་བསྐུར།། བདུད་རྩིའི་ཆུ་ཡང་བླུད་པར
32b4 བྱ།། ལས་རྣམས་ཐམས་ཅད་བྱེད་དུ་གཞུག། དེ་ལྟར་བསྒྲུབས་པའི་རིགས་མཆོག་གིས།། ཐལ་བ་ཐམས་ཅད་སོས་པར་འགྱུར།། སྒྲུབ་པའི་ས་ནི་དུར་ཁྲོད་དང་།། རི་བྲག་གཉེན་པོ་བགེགས་གནས་དང་།། གནས
32b5 ཁྲོད་གཉེན་པོ་ཚོར་མ་ཅན།། གནོད་སྦྱིན་སྲིན་པོ་འབྱུང་པོའི་གནས།། དེ་དག་ཏུ་ནི་བསྒྲུབ་པར་བྱ།། དགུ་དང་བཅུ་གཉིས་བཅུ་གསུམ་དང་།། བཅུ་དྲུག་མན་ཆད་བསྒྲུབ་པར་བྱ།། ཕྱི་ནང་མཆོད་པའི་ཡོ་བྱད
32b6 རྣམས།། ལམ་ལྔའི་ཞིང་དང་སྨན་རྣམས་བཅང་།། འབྲུ་རྣམས་སྣ་ཚོགས་བཅང་བར་བྱ།། རྟག་ཏུ་ཚོགས་ཀྱིས་མཆོད་པར་བྱ།། རྟག་པ་དག་ཏུ་མ་ལྡན་ན།། ཉིན་གསུམ་མཚན་གསུམ་པར་མི་བཅད། ཁ་ཟས་རྣམས
iiif viewer powered by OpenSeadragon
