| e-texts navigator |
| Wylie |
32a1 ཧོས་དགུག་པར་བྱ།། བདག་དང་ཁྲོ་བོ་གཉིས་མེད་པར།། ཡང་ནས་ཡང་དུ་བསྒོམ་པར་བྱ།། སྐུ་རྣམས་གསལ་བར་གྱུར་པ་དང་།། ཞིང་ཆེན་འོག་ཏུ་གཞུག་པར་བྱ།། དཀྱིལ་འཁོར་མ་ལུས་དེར་བཀོད
32a2 ནས། ཁྲོ་བོ་ཁྲོ་མོ་འཁོར་དུ་བསྒོམ།། མངག་པའི་ཕོ་ཉ་ཕྱོགས་བཅུར་གཏང་།། འཇིག་རྟེན་མི་རྣམས་དབང་བསྡུས་ཏེ།། ནརྀ་ཡི་ཚོགས་རྣམས་ཀུན་བཀུག་ནས།། ཞིང་ལ་ཡང་ནས་ཡང་དུ་འཇུག། ཏིང་འཛིན་ཆེ་བས་ཟླ
32a3 གཅིག་སྟེ།། འབྲིང་གི་ཟླ་བ་གཉིས་དང་གསུམ།། ཐ་མས་ཟླ་བ་ལྔ་རུ་ནི།། རྩེ་གཅིག་རྩེ་གསུམ་རྩེ་ལྔ་པས།། འདུ་འཕྲོ་ཡང་ནས་ཡང་བྱས་པས།། སྣར་དང་སེར་དང་མདོག་སྣུམ་འབྱུང་།། དེ་ནས་ཏིང་འཛིན་བདུད་རྩི
32a4 ཡིས།། ལན་གྲངས་འབུམ་ཕྲག་མང་པོར་བཟླས།། བཟླས་པའི་ཚུལ་ནི་རྣམ་གསུམ་དང་།། རྡོ་རྗེ་སྔགས་ཟློས་རྩེ་གསུམ་པ།། དེ་ཡི་བར་ནས་བཟླས་པ་འབྱུང་།། འོད་ཟེར་ལྔ་དང་ལྡན་པར་བྱ།། ཞིང་དེ་ལྟེ་མ་ལྡེམ་པོར
32a5 གྱུར་དང་།། བདུད་རྩི་ལྔ་ཡིས་བསྐུ་བར་བྱ།། དེ་ནས་ཡི་གེ་འབྲུ་ལྔ་དགོད།། ཡན་ལག་ལྔ་ལ་ཡུལ་ལྔ་སྟེ།། དབང་པོ་ལྔ་ལ་སེམས་དཔའ་དང་།། སེམས་མ་འཁྲིལ་བའི་ཚུལ་གནས་བྱ།། རྡོ་རྗེའི་ཏིང་ངེ་འཛིན་གྱིས
32a6 ནི།། གསལ་ཞིང་འཚེར་བར་བསྒོམས་ནས་ནི།། སྔགས་ཀྱི་འབྱུང་འཇུག་ཞིང་ལ་གཟུད།། དེ་ནས་ཞིང་དེ་འགུལ་གྱུར་ནས།། ཤིན་ཏུ་ཞགས་པས་བསྡམ་པར་བྱ།། ཡན་ལག་རྣམས་ཀྱང་གཞུམ་པར་བྱ།། ཕྱོགས་བཞི
iiif viewer powered by OpenSeadragon
