| e-texts navigator |
| Wylie |
30a1 ལྡན་པའི།། རྡོ་རྗེ་ལ་སོགས་ཀུན་ཏུ་ཡང་།། གསུངས་པ་མི་འགལ་འདིར་ཡང་བརྗོད།། འཇུག་ལྡན་གནས་སྨོན་བྱང་ཆུབ་སེམས།། གཡོ་དང་བསྐྱོད་དང་ལྡང་དང་གནས།། བཀུག་དང་འཛིན་དང་དེ
30a2 བཞིན་ཏེ།། བསྡུས་དང་འཕྲིས་པའི་དོན་གྲུབ་ཕྱིར།། བསྡམས་དང་མི་གཏོང་དབང་སྒྱུར་ཏེ།། བདེ་དང་སྒྲ་སྙན་ཕྱོགས་བཅུར་སྒྲོགས།། ཤིན་ཏུ་སྒེག་པའི་གཟི་བརྗིད་འབར།། ཡིད་བཞིན་རིན་ཆེན་འཕྲེང་བ
30a3 འབར།། དབྱངས་སྙན་ཡིད་འཕྲོག་གཟི་ལྡན་འབར།། གཟུགས་མཛེས་བསྐྱོད་པས་ཕྱོགས་བཅུར་གཡོ།། ཀུན་ཏུ་ཚིམ་བྱེད་དྲི་བསུང་ཐིམ།། ལྷག་མཛེས་རིན་ཆེན་ཕུང་པོ་འབར།། འོད་གསལ་འཕྲོ་བས་ཀུན་ཏུ
30a4 འཕྲོ།། བདུད་རྩི་བསིལ་དྲོ་འཇམ་པའི་དབྱངས།། ཨ་ལ་ལ་ཧོ། གསང་བའི་དབང་པོ་པད་འབྱོར་ན།། ཆགས་པ་མེད་པའི་ཚུལ་གྱིས་སུ།། ཕ་རོལ་ཕྱིན་བཅུ་རྒྱུ་འབྲས་རྫོགས།། ས་བཅུ་རིམ་གྱིས་བཀོད་མེད
30a5 རྫོགས།། ཀུན་ཏུ་འོད་གསལ་སྤྱན་ཡང་རྫོགས།། གཉིས་ལྡན་བླ་མེད་ས་ཡང་རྫོགས།། བསོད་ནམས་ཡེ་ཤེས་ཚོགས་ཆེན་ལ།། བརྟན་པ་ཉིད་དུ་རྫོགས་པར་རོལ།། ཨ་ཧོ། དེ་བཞིན་ཉིད་ཀྱི་གསང་མཆོག་ལས།།
30a6 ཁམས་ནི་ཉི་ཤུ་རྩ་གཅིག་སྟེ།། བཅོ་བརྒྱད་པོ་ནི་རྒྱུད་གཞན་བཞིན།། གསུམ་ནི་དེ་བཞིན་ཀུན་གྱི་བདག། བཅོ་བརྒྱད་འབྱུང་བའི་གནས་ཡིན་ཏེ།། བྱང་ཆུབ་འགྲུབ་པའི་གཞི་ཡང་ཡིན།། བདེ་བ་སྦྱིན་པའི་རྒྱུ
iiif viewer powered by OpenSeadragon
