| e-texts navigator |
| Wylie |
2b1 ནས་བཙལ་ཀྱང་མི་རྙེད་དེ།། རང་རིག་སྒྲིབ་མེད་དག་པ་ཡིན།། དེ་ལ་རྟག་འགྲུས་གོམས་པ་ནི།། བསྙེན་པའི་དམ་པ་དེ་ཡིན་ཏེ།། དེ་ནི་མ་ནོར་ལམ་ཡིན་པར།། བྱང་ཆུབ་སེམས་ཀྱིས་རབ་ཏུ་བསྡུས།། དེ་བཞིན་ཉིད
2b2 ཀྱི་དབྱིངས་ཉིད་ནི།། གཅིག་ཅེས་འདི་ཞེས་བརྗོད་དུ་མེད།། གཉིས་མེད་དབྱིངས་ཀྱི་ངང་དུ་མེད།། གསུམ་དུ་སྣ་ཚོགས་འབྱུང་ཞིང་འགྲོ།། བྱིན་བརླབས་བསམ་ཡས་མཐའ་ཡས་མཆོག་དོན་བསྡུས་གསུང་རབ་བཞི
2b3 བཅུ་གཉིས།། དེ་ལས་ལྷག་པའི་དོན་སྨྲ་བ།། དེ་ནི་རྣམ་དག་ལམ་མིན་ཏེ།། རང་བློས་བསམ་པའི་འཁྲུལ་པ་ཡིན།། ཐམས་ཅད་རང་རིག་བྱང་ཆུབ་སེམས།། དེ་ནི་ལུང་གི་ཚད་མར་བཤད།། ཚད་བཞི་ཕབ་པའི་དོན
2b4 ཡིན་ཏེ།། དག་པ་རྣམ་གསུམ་ཚུལ་བསྒོམ་ཞིང་།། འབྲུ་ལྔར་འདུས་པའི་ཐབས་ཆེན་ཏེ།། འགྲོ་བ་ཀུན་ལ་རང་བཞིན་གནས།། བྱ་བ་བྱེད་ལ་བྱས་པ་མེད།། ཟད་པའི་དུས་མེད་ཡེ་ཤེས་ཏེ།། བུམ་པ་བཟང་དང་ཡིད
2b5 བཞིན་མཛོད།། ཟ་མ་ཏོག་དང་ཡིད་བཞིན་རྒྱལ།། གཞན་ནས་ཡོད་འོངས་མ་ཡིན་ཏེ།། རང་སེམས་བསོད་ནམས་བརྟན་པ་ཡིན།། ལྷ་སྲིན་ལ་སོགས་ཡོད་པ་ཡི།། ནོར་འདྲ་རིན་ཆེན་མ་ཡིན་ཏེ།། བོ་དྷིའི་དཀོར་ནི
2b6 རིན་པོ་ཆེ།། སྐུ་གསུང་མི་ཟད་པར་ལྡན་པའི།། རྒྱན་གྱི་འཁོར་ལོ་བསམ་མི་ཁྱབ།། དངོས་གྲུབ་མཆོག་གི་སྙིང་པོ་ནི།། དང་པོའི་དོན་རྟོགས་མཐའ་མི་གཏོང་།། ཆུ་སྲིན་ཕྱག་རྒྱ་ཇི་བཞིན་དུ།། སྤྱོད་ཡུལ་ཀུན་ཏུ་ཚད
iiif viewer powered by OpenSeadragon
