| e-texts navigator |
| Wylie |
2a1 རང་བྱུང་བ་ལ་བཞུགས་ནས། ཆེད་དུ་བརྗོད་པ་འདི་ཆེད་དུ་བརྗོད་དོ།། འདས་དང་ད་ལྟར་མ་འོངས་དང་།། འབྱུང་བར་མ་ངེས་དུས་འདི་དག། སྔ་ཕྱི་མེད་པར་མཉམ
2a2 ཡིན་པས།། ངེས་པ་མེད་པར་ཡང་དག་གསུངས།། འཇིག་རྟེན་འདས་དང་འཇིག་རྟེན་པའི།། རང་དང་སྤྱི་རུ་བསྟན་པ་དང་།། ཇི་སྙེད་བརྟན་གཡོ་ལ་སོགས་པ།། སྒྱུ་མ་མིག་ཡོར་ཚུལ
2a3 ཡིན་ཏེ།། སྐྱེས་བུ་བློ་རྩལ་རབ་ལྡན་པས།། དེ་ལ་རྟག་ཏུ་མཉམ་སྦྱོར་ཞིང་།། སེམས་ཅན་ཀུན་གྱི་ཞིང་གྱུར་པ།། དེ་དང་གཉིས་མེད་དབྱིངས་སུ་སྦྱོར།། ཐམས་ཅད་ཐབས་ཀྱི་མཚན་ཉིད
2a4 དེ།། ཐབས་ལ་ཐབས་ནི་རྣམ་པར་སྦྱོར།། ཐབས་ཆེན་ཐབས་ལས་བྱུང་བ་ཡི།། དེ་ནི་བྱང་ཆུབ་རྡོ་རྗེའི་མཆོག། ཇི་སྙེད་བརྗོད་པའི་ཁ་བརྒྱུད་ཀྱང་།། ཡང་དག་དོན་གྱི་སྙིང་པོ་ནི།། གང
iiif viewer powered by OpenSeadragon
