| e-texts navigator |
| Wylie |
29b1 ཉིད་ཀྱི་དབྱིངས་ཡིན་ཏེ།། རང་བྱུང་རྡོ་རྗེ་གསང་བའི་དབང་།། ཡུལ་ཉིད་ཡེ་ཤེས་པདྨའི་དབྱིངས།། དབང་པོའི་ཐུགས་ནི་རྡོ་རྗེ་སེམས།། ཐམས་ཅད་འབྱུང་བའི་གཏེར་ཉིད་དང་།། ཐམས་ཅད་འགྲོ་བའི་གནས་ཉིད
29b2 དེ།། དེ་ཡིས་མ་བསྐྱེད་གང་ཡང་མེད།། འཁོར་དང་མྱ་ངན་འདས་པའི་རྒྱུ།། དེ་ལས་ཐམས་ཅད་སྐྱེ་ཞིང་འབྱུང་།། ཀུན་གྱི་ཕྱག་རྒྱའི་རྒྱུ་ཡིན་ཏེ།། བདེ་བའི་བྱང་ཆུབ་སྒྲུབ་པའི་རྫས།། དེ་ལས་བསྐྱེད་ཅིང་དེ་ལས
29b3 སྤྲོས།། དངོས་གྲུབ་ཐམས་ཅད་འགྲུབ་པའི་གནས།། དབང་པོ་རྡོ་རྗེ་པདྨར་ལྡན།། གཉིས་མེད་བྱང་ཆུབ་སེམས་འཕྲོ་ན།། མི་དམིགས་བདེ་དང་ལོངས་སྤྱོད་འཕྲོ།། སྐུ་གསུང་ཐུགས་དང་ཡེ་ཤེས་ལྔ།། གསང་བའི་ལྷ་མོ
29b4 བཞི་རྣམས་དང་།། མཆོད་པའི་ལྷ་མོ་རྫོགས་ལྡན་བཞི།། འཇིག་དང་ལྡང་གནས་སྨོན་པ་ཡིས།། གཡོ་བསྐྱོད་འཇུག་དང་བདེ་གནས་པ།། གསང་བའི་དབང་པོ་བྱེད་པ་པོ།། ཤེས་བྱ་པདྨོས་ཐོབ་པར་འགྱུར།། དེ་ཕྱིར
29b5 གསང་སྔགས་མཆོག་རྫོགས་པ།། བསོད་ནམས་ཡེ་ཤེས་ཚོགས་ཀྱང་རྫོགས།། དེ་བཞིན་ཉིད་ཀྱི་གསང་བ་ལས། ཁམས་ནི་ཉི་ཤུ་རྩ་གཅིག་བཤད།། རྡོ་རྗེ་གསང་བའི་དབང་པོ་དང་།། པདྨ་བདེ་གནས་འབྱུང་བ
29b6 དང་།། གསང་བ་མཆོག་གི་འཕྲུལ་ཆེན་འཕྲོ།། འདི་ནི་རྩ་གཅིག་ཡིན་པར་གསུངས།། ཤིན་ཏུ་གསང་བ་ཟབ་པའི་ཕྱིར། ཁམས་ཉི་ཤུ་རྩ་གཅིག་ཏུ་བཤད་པའི་ལེའུ་སྟེ་ཉི་ཤུ་གཉིས་པའོ།། །། སྒྱུ་འཕྲུལ་དྲ་བ་ཀུན
iiif viewer powered by OpenSeadragon
