| e-texts navigator |
| Wylie |
28a1 ངེ་འཛིན་གྱིས་དབང་སྒྱུར་ན།། ཇི་ལྟར་དམིགས་པ་བཞིན་དུ་འགྲུབ།། དྲག་པ་གཏུམ་པོ་གཏུལ་བའི་ཕྱིར།། བདག་ཉིད་དྲག་པོར་བསྒོམས་ནས་ནི།། ཆོས་སྐུ་ནག་པོ་འོད་འབར་གྱིས།། བགེགས་ཀྱི
28a2 ལིང་ཁ་མནན་པར་བྱ།། དྲག་པོ་གཏུམ་པོའང་བརླག་པར་འགྱུར།། མི་མཐུན་ཕྱོགས་ཀྱང་རྡུལ་དུ་རློག། འདི་དང་འགྲོ་བ་ཐམས་ཅད་དུ།། ཤིན་ཏུ་སྟོབས་དྲག་ཆེར་ལྡན་འགྱུར།། ཐམས་ཅད་གཉིས་མེད་དབྱིངས
28a3 བསྡུས་ཕྱིར།། བདག་ཉིད་ཧ་ཡ་གྲི་བར་བསྒོམ།། དམར་པོའི་ཆོས་སྐུ་གསལ་བསྒོམས་ཏེ།། མི་མཐུན་ཕྱོགས་རྣམས་གདན་དུ་གདིང་།། ཏིང་འཛིན་གསལ་བར་བྱིན་བརླབས་ན།། ཐམས་ཅད་མ་ལུས་དབང་དུ
28a4 འདུ།། མཐུ་ཆེན་དག་ཀྱང་ཕྱི་བཞིན་འབྲེང་།། ཅི་འདོད་ལས་རྣམས་བྱེད་པར་འགྱུར།། ཐམས་ཅད་ཡོན་ཏན་འཕེལ་བྱའི་ཕྱིར།། བདག་ཉིད་རྒྱལ་བའི་ཁྱུ་མཆོག་སྟེ།། གསེར་གྱི་མདོ་འདྲ་ཕྱག་རྒྱར་བསྒོམ།། གང
28a5 འཕེལ་ཆོས་སྐུའི་གདན་དུ་བཞག། དེ་ལྟར་དག་པས་བྱིན་བརླབས་ནས།། ཡོན་ཏན་ནམ་མཁའི་མཐའ་དང་མཉམ།། ཚེ་དང་ལོངས་སྤྱོད་འཕེལ་བ་དང་།། ཇི་ལྟར་དམིགས་པ་བཞིན་དུ་འགྲུབ།། ཐུགས་རྗེ་ཆེན་པོའི
28a6 བྱིན་བརླབས་ཀྱིས།། གཏུམ་ཁྲོ་མ་ལུས་ཞི་བྱའི་ཕྱིར།། དཀར་ཞིང་འཚེར་བའི་ཆོས་སྐུ་བསྒོམ།། གང་ཞིག་གཏུམ་ཁྲོ་ཞི་བྱའི་གདོན།། དེ་བཞིན་ཏིང་འཛིན་བྱིན་བརླབས་ན།། གཏུམ་པོ་རྔམ་པོའང་ཞི་བར
iiif viewer powered by OpenSeadragon
