| e-texts navigator |
| Wylie |
27a1 ཛཙཱ་བ་ཧོ།། ཀུ་བེ་ར་བ་བྷ་བ་ཀ་ར་ཡང་ཡ། ཛ་ཙཱ་བ་ཧོ། འབུམ་དུ་བཟླས་ཤིང་སྲོག་ཡོད་པར།། ཡང་དང་ཡང་དུ་བཟླས་པར་བྱ།། བདག་ཉིད་བདུད་རྩི་ཧེ་རུ་ཀ། ཛ་ཡིས་རྣམ་ཟོས་སྙིང་ནས
27a2 དྲངས།། དབང་དུ་ཡང་དག་བསྡུ་བར་བྱ།། རྒྱབ་ནས་རྡོ་རྗེ་ཅན་གྱིས་ཕུལ།། ཡིད་བཞིན་རིན་ཆེན་དབང་དུ་འགྱུར།། གནོད་སྦྱིན་འཁོར་རྣམས་དབང་དུ་བསྡུ།། རིན་ཆེན་སྤྲིན་ཞིང་ལས་རྣམས་སྒྲུབ།། ཅི་འདོད་ལས
27a3 རྣམས་བྱེད་པར་འགྱུར།། སྒྱུ་འཕྲུལ་དྲ་བ་ལས། ལྷ་ཆེན་པོ་སྒྲུབ་པ་དང་རྒྱལ་པོ་ཆེན་པོ་བཞིའི་དཀྱིལ་འཁོར་བཀོད་ཅིང་སྒྲུབ་པའི་ལེའུ་སྟེ་ཉི་ཤུ་པའོ།། །། དེ་ནས་དེ་བཞིན་གཤེགས་པ་རྒྱུད་ཀྱི་རྒྱལ་པོ་སྒྱུ་འཕྲུལ་དྲ།
27a4 བ་ལས། ལྷག་པའི་གཟུགས་བརྙན་གྱི་དཀྱིལ་འཁོར་གྱི་དངོས་གྲུབ་བླང་བའི་ཐབས་འདི་གསུངས་སོ།། ཡེ་ནས་མཉམ་ཉིད་དཀྱིལ་འཁོར་ལས།། ཐབས་དང་ཤེས་རབ་ལྡན་བྱས་ཏེ།། རང་རིག་ཡེ་ཤེས་རྒྱལ་པོ
27a5 ཡིས།། ཐམས་ཅད་མ་ལུས་མཎྜལ་ལའི།། དེ་བཞིན་ཉིད་ཀྱི་གཞལ་ཡས་ལ།། རིག་པ་རང་དབང་གྱུར་པ་ཡིས།། མཉམ་ལ་མཉམ་པར་མི་གནས་པའི།། ཆོས་སྐུ་ཕྱག་རྒྱ་ཆེན་པོར་བསྒོམ།། འཇིག་རྟེན་བརྟན
27a6 གཡོ་ཐམས་ཅད་ལ།། རང་བཞིན་དཀྱིལ་འཁོར་གནས་མོད་ཀྱང་།། གཟུང་འཛིན་རྣམ་རྟོག་ཞགས་པ་ཡིས།། རང་གི་བསྒྲིབས་ཤིང་རྟག་ཏུ་བཅིངས།། ཀུན་གྱིས་ཡང་དག་རྟོགས་བྱའི་ཕྱིར།། དེ་བཞིན་ཆོས་སྐུ
iiif viewer powered by OpenSeadragon
