| e-texts navigator |
| Wylie |
26b1 གྱུར་ནས།། རྒྱལ་པོ་དེ་ཡི་གཟུགས་མདོག་ནི།། ཤིན་ཏུ་དམར་ཞིང་འཚེར་བ་སྟེ།། ལག་གཡས་བདུད་རྩིའི་བུམ་པ་གསོལ།། ལག་གཡོན་འདོད་ཡོན་ལྔ་ཡི་ཚུལ།། ནུབ་ཕྱོགས་ཀླུ་རྣམས་རེ་བ་སྐོང་།། སྦྲུལ་མགོ་འབུམ
26b2 གྱི་གདེངས་ཁ་ཅན།། དེ་ནི་རབ་ཏུ་དབང་བསྡུའི་ཕྱིར།། སྔགས་ཀྱི་སྙིང་པོ་འདི་བཟླས་བྱ།། ཨོཾ་བི་རུ་ཏ་ཀ་ཡེ་སྭཱ་ཧཱ།། པེ་པ་ཀ་ཡ་ཀ་སྭཱ་ཧཱ། ཛཿཧཱུཾ་བཾ་ཧོ། ནཱ་ག་ཤི་ནི་བྷི་པ་ག་ཀ་བྷི་མ་ཀང་། ཛཿཧཱུཾ་བཾ་ཧོ། འབུམ་ཕྲག་དུ་མ
26b3 བཟླས་ན་ནི།། དེ་ནི་བདག་གི་དབང་དུ་འདུ།། བདག་ཉིད་ལྷ་རུ་གསལ་བསྒོམས་ནས།། མིག་མི་བཟང་གི་སྙིང་ཁ་ནས།། ཛ་ཡིས་རབ་ཏུ་བཟུང་ནས་དྲང་།། རྒྱབ་ནས་རྡོ་རྗེ་ཅན་གྱིས་ཕུལ།། དེ་ནས་བདག་དང
26b4 གཉིས་མེད་པར།། དབྱེར་མེད་པར་ནི་གྱུར་པ་དང་།། ཅི་འདོད་ལས་དེ་བྱེད་དུ་གཞུག། མིག་ངན་འཁོར་རྣམས་མ་ལུས་པ།། བདག་གི་ལས་རྣམས་རྫོགས་པར་བྱེད།། རྒྱལ་པོ་རྣམ་ཐོས་སྒྲུབ་པ་ནི།། བདག་ཉིད་ཁྲོ་བོ
26b5 བདུད་རྩི་འཁྱིལ།། སྐུ་མདོག་ཕྱག་མཚན་སྔ་མ་བཞིན།། གསལ་ཞིང་འོད་འཕྲོ་འབར་བསྒོམ་ཞིང་།། གསང་སྔགས་སྙིང་པོ་འབུམ་ཕྲག་བཟླས།། ཏིང་འཛིན་བསྒྱུར་དུ་རུང་བ་དང་།། རྣམ་ཐོས་དག་ནི་རྟག་ཏུ
26b6 སྒྲུབ།། གཟུགས་ནི་རིན་ཆེན་བཻ་ཌཱུཪྻ།། ཡང་ན་མདོག་ནི་སྔོ་ཞིང་འཚེར།། ཕྱག་གཡས་རིན་ཆེན་དབྱུག་ཏོ་ཐོགས།། གཡོན་ན་འདོད་ཡོན་བུམ་ཆུ་གསོལ།། དབུ་ལ་རིན་ཆེན་སྣ་ཚོགས་མཛེས།། ཨོཾ་བེ་ཤྲ་ཝ་ཎཱ་ཡ་སྭཱ་ཧཱ།།
iiif viewer powered by OpenSeadragon
