| e-texts navigator |
| Wylie |
9b1 ཆེན་འཕེན་པས་མཚམས་སྦྱར་ནས།། དངས་མ་ཡེ་ཤེས་སྙིང་པོར་འབྲེལ།། འཁོར་བའི་སྙིགས་མ་རང་དག་ནས།། ཡེ་ཤེས་གསལ་བའི་རྟགས་བྱུང་སྟེ།། འདར་དང་རྡུལ་དང་བ་སྤུ་ལྡང་།། བཀྲག་དང་གཡོ་དང་ཡང་བ
9b2 དང་།། བྱིང་བའི་སྐྱོན་མེད་དགའ་བས་ཁྱབ།། དེ་ནས་ལས་རུང་གོམས་པ་ཡིན།། གཡོ་ཞིང་འཕར་བར་འགྱུར་ན་གློད།། བདེ་བས་སྣོད་བཅུད་ཀུན་བྱང་ནས།། ཙ་ཕུག་ནམ་མཁའ་ལྟར་སྣང་ནས།། ཡེ་ཤེས་ཁྱབ
9b3 བརྡལ་ཀུན་ཏུ་བཟང་།། འཕེན་དང་སྡུད་པ་གཉིས་མེད་པ།། ཐབས་དང་ཤེས་རབ་ཡིན་པར་བཤད།། སངས་རྒྱས་ཀུན་འབྱུང་འཁོར་ལོ་ཅན།། ཡེ་ཤེས་སྙིང་པོ་ཟ་མ་ཏོག། ཀུན་འདུས་སྙིང་པོའི་གཉིས་སུ་མེད།། རྒྱུ་བ
9b4 གསུམ་གྱི་དངས་མ་ཉིད།། འགོ་མིན་རིགས་པ་མུ་མཐའ་ཡས།། ཙི་ཌྷའི་དཀྱིལ་འཁོར་རིན་པོ་ཆེ།། ཡེ་ཤེས་ལྔ་རྫོགས་རྒྱན་དང་ལྡན།། རྫོགས་པ་ཧཱུཾ་ཉིད་སྔོན་ནས་པ།། ཐབས་ལས་ཐབས་བྱུང་ཐབས་བསམ
9b5 ཡས།། ཐབས་ཆེན་ཡེ་ཤེས་རྫོགས་པའི་སྐུ།། ཡེ་ཤེས་ནམ་མཁའི་གཟུགས་བརྙན་ཉིད།། ཕྱི་ནང་སྣོད་བཅུད་མཐའ་ཡས་པ།། ཙི་མྦྷིའི་སྙིང་པོ་རྫོགས་པར་གནས།། ཡེ་ཤེས་མེ་ལོང་འོད་གསལ་བ།། དྲན་པའི་སྙིང
9b6 པོར་བསྐུལ་གྱུར་ནས།། རྣམ་ཐར་བརྒྱད་ཀྱི་ལམ་བགྲོད་དེ།། རྡོ་རྗེ་འཛིན་པའི་ས་ལ་སྦྱར།། བདེ་བའི་དབང་ཕྱུག་འདུ་དབྲལ་མེད།། སྤྱོད་ལ་མ་ཆགས་པད་མ་ཅན།། རང་རིག་བདེ་བ་ཆེན་པོའི་གཟུགས།། མ་ལུས
iiif viewer powered by OpenSeadragon
