| e-texts navigator |
| Wylie |
9a1 དོག་སེར་སྣ་ཡིས།། འཁོར་བའི་འཁོར་ལོ་རྣམ་པར་སྦྱར།། ཡེ་ཤེས་དྲུག་གི་ངོ་བོར་གནས།། སྙིང་པོ་དྲུག་ཉིད་འོད་འབར་ནས།། ཡེ་ཤེས་དྲུག་གི་མཚུལ་དང་འཐུན།། འཁོར་བར་ཕུང་བཅོམ་བརླག
9a2 པའི་ཕྱིར།། ཐུབ་པ་ཆེན་པོའི་ཆོས་ཀྱི་སྐུ།། རང་རིག་ཆོས་འབྱིངས་གཉིས་མེད་པར།། ཐབས་དང་ཤེས་རབ་དོན་ལ་རྫོགས།། སངས་རྒྱས་སྙིང་པོ་ཁ་སྦྱོར་ལས།། རང་འབྱུང་ཡེ་ཤེས་གསལ་བར་འཆར།། ཀུན་རྫོབ
9a3 སྒྱུ་མའི་ཁྱད་པར་ལས།། ཡེ་ཤེས་ཟག་མེད་མངོན་པར་འཕྲུལ།། ཐོས་བསམ་སྒོམ་པའི་ཐབས་ཉིད་ལས། ཡེ་ཤེས་གསུམ་ཉིད་གསལ་བར་འབྱུང་།། ཏིང་འཛིན་གསུམ་པོ་དུས་གཅིག་གསལ།། བསྐྱེད་རྫོགས་བཞི་ལ
9a4 མཉམ་སྦྱར་ནས།། འབྲས་བུ་བཞི་བཅུ་རྩ་ལྔ་ཉིད།། གྲངས་ལས་འདས་པའི་ཕྱ་རྒྱ་སྟེ།། བསྡུས་པའི་ཉི་ཤུ་ཙ་ལྔར་ཐིམ།། ཐབས་དང་ཤེས་རབ་འགྱིས་པའི་འོད།། བདེ་བ་ཆེན་པོའི་འབེན་ལ་ཕོག། དུས་གསུམ་རྒྱལ
9a5 བཔབས་བྱིན་རླབས་ཏེ།། བྱང་ཆུབ་སེམས་ཀྱང་ངོ་བོར་གནས།། སྐུ་གསུང་ཐུགས་སུ་མངོན་ཕྱུང་ནས།། སེམས་ཀྱི་འཁོར་ལོར་ཐིམ་པར་བྱ།། སེམས་ཀྱི་ཀ་བ་ཀུན་བཀང་ནས།། གསང་བའི་འདོམ་གནས་སོན་པ
9a6 ལས།། ས་ཡ་བཅུ་གསུམ་བདེ་བས་རྒྱན།། ས་སྒྲ་ཐེག་ཆེན་ཟབ་མོ་ཡིས།། ཨ་ཡི་ཁྱད་པར་རྟོག་པར་གནས།། དེ་ནས་ཧོ་དང་གཉིས་སུ་མེད།། གསང་བ་རྫོགས་པའི་ཡེ་ཤེས་ལྔ།། འཁོར་ལོ་ཁ་སྦྱོར་སྙིང་པོ་ཅན།། བདེ
iiif viewer powered by OpenSeadragon
