| e-texts navigator |
| Wylie |
8b1 འགྱུར།། གཡས་གཡོན་འཁོར་ལོ་རང་བཞིན་ལྟར།། གྱེན་དུ་སྐྱིལ་ཞིང་ཟུར་དུ་འཕྲོ།། བསྡུ་བས་ས་བཅུ་དྲུག་ཏུ་གསལ།། འབྱུང་འཇུག་སུམ་ཅུ་ཙ་གཉིས་ལས།། ཐིག་ལེ་གཅིག་ལས་རྫོགས་པར་ལྟར།། བཅུ་དྲུག
8b2 ཕྲག་གཉིས་སྦྱོར་བ་ཡི།། བསྣོལ་ལམ་རྐྱང་པ་གང་རུང་བ།། གར་ཐབས་བདེ་བོའི་ཚུལ་གྱིས་སྦྱར།། མེ་ལོང་གཟུགས་བརྙན་ཇི་བཞིན་དུ།། མ་བརྗོད་རང་བཞིན་གསལ་བར་འབྱུང་།། སྤྲིན་མེད་གསལ་བའི་ནམ
8b3 མཁའ་ལྟར།། རང་བྱུང་ཡེ་ཤེས་འབྱུང་བར་འགྱུར།། ཏིལ་འབྲུ་ཚད་ལྡན་བདེ་བའི་རྟེན།། འབྱུང་འཇུག་རིམ་པ་ཀུན་གྱི་གནས།། བཅོམ་ལྡན་འདས་ཤེས་བཤད་པ་སྟེ།། བདེན་གཉིས་བྲལ་བའི་ཡེ་ཤེས་སོ།། བསྐྱེད
8b4 རྫོགས་བཞི་སོགས་སྦྱོར་བ་ཡིས།། མངོན་སུམ་ཡེ་ཤེས་རང་གནས་ལ།། ཤེས་རབ་འབྲེལ་བས་མཉམ་སྦྱར་ནས།། རང་འབྱུང་ཐིག་ལེ་གྲུབ་པར་འགྱུར།། ཞེད་ཆེད་དུ་གླེང་ངོ་།། སྒྱུ་འཕྲུལ་ཡེ་ཤེས་སྙིང་པོའི་རྒྱུད
8b5 ལས།། སེམས་ལྔ་བསྟན་པའི་ལེའུ་སྟེ་གཉིས་པའོ།། །། དེ་ནས་བཅོམ་ལྡན་འདས་དེ་བཞིན་གཤེགས་པ་གྱེས་པ་ཆེན་པོའི་ཐུགས་རྗེ་ཆེན་པོ་སྣང་བའི་ཏིང་འཛིན་ལ་གནས་ནས།། ཆེད་དུ་བརྗོད་པ་འདི
8b6 བརྗོད་དོ།། ཇི་སྙེད་ཕྱོགས་བཅུའི་འཇིག་རྟེན་ན། ལོག་རྟོག་མི་བཟད་རྡུལ་ཕྲན་སྙེད།། རྟོག་འདུལ་སྤྲུལ་པ་བསམ་མི་ཁྱབ།། དེ་བཞིན་ཉིད་ཀྱི་དབྱིངས་ལ་ཐིམ།། འདོད་ཆགས་ཞེ་སྡང་གཏི་མུག་དང་།། ང་རྒྱལ་ཕྲག
iiif viewer powered by OpenSeadragon
