| e-texts navigator |
| Wylie |
8a1 གནས་སུ་འཁྱིལ།། དབབ་དང་གཟུང་དང་བརྟགས་པ་ཡི།། བདེ་བ་ཆེན་པོ་མཚམས་སྦྱར་ཏེ།། གཉིས་མེད་རིག་པའི་རང་བཞིན་གསལ།། སྐུ་གསུམ་ཐིག་ལེ་རྫོགས་པའི་ངང་།། སྒྱུ་འཕྲུལ་ལྷུན་གྲུབ
8a2 གསང་བའི་མཁའ།། ཡེ་ཤེས་རང་བྱུང་མཉམ་པ་ཉིད།། ཐབས་དང་ཤེས་རབ་དབྱིངས་ཀྱི་འོད།། ཡེ་ཤེས་རྫོགས་པའི་དབེན་པ་ཕོག། འཇུག་ལྡོག་བསྟན་པའི་གར་ཐབས་ཀྱིས།། སླ་ཡང་བདེ་ཆེན་དབྱིངས་ལ
8a3 གསལ།། ཐིག་ལེ་རིམ་གསུམ་བསྐྱེད་པའི་ཚུལ།། རྫོགས་ཆེན་དང་ལ་རིམ་པ་མེད།། གནས་བཞི་གཅིག་ཏུ་འཁྱིལ་བ་ལས།། ཡེ་ཤེས་ལྔ་རུ་གསལ་བར་འཆར།། གསང་བའི་རྟོག་པ་མ་ལུས་པ།། རང་རིག་ཡེ་ཤེས
8a4 མཆོག་ཏུ་བསྐྱེད།། ཟབ་མོའི་དབང་ལ་ཀུན་རྫོགས་པ།། གདམས་པ་ལུང་གི་གསལ་བར་ཤེས།། བཞི་བཅུ་ཙ་ལྔའི་རང་བཞིན་ཉིད།། ཕྱི་ནང་གསང་བ་ཚུལ་དུ་བཞུགས།། སེམས་ལྔའི་རིམ་པས་མཚམས་སྦྱར
8a5 ཞིང་།། བསྙེན་སྒྲུབ་བཞི་ལ་གནས་བཅས་པས།། ས་བཅུ་ལམ་ལྔའི་བག་ཆགས་སྦྱང་།། བདེ་ཆེན་རིག་པའི་ཁ་ལོ་སྒྱུར།། ཉམས་མྱོང་ཐིག་ལེའི་རིག་སྦྱོང་།། རིམ་མེད་པ་གསུམ་གཅིག་ཅར་གནན།། མི་སྐྱོད་སྒྱུ་འཕྲུལ
8a6 ཟབ་མོའི་དབྱིངས།། རྒྱལ་བ་རྒྱ་མཚོ་འབྱུང་གནས་ཡུམ།། ཀུན་འབྱུང་ཐིག་ལེ་ཟབ་མོའི་དབྱིངས།། ཀུན་འདུས་འཕྲོ་འདུའི་མཚན་ཉིད་ཅན།། སྒོ་གསུམ་འབྱེད་པའི་སྦྱོར་བ་ཡི།། ཡེ་ཤེས་ཟབ་མོ་འབྱུང་བར
iiif viewer powered by OpenSeadragon
