| e-texts navigator |
| Wylie |
6b1 གསུང་ཐུགས་ཀུན་ཏུ་སྣང་བ།། ཐབས་དང་ཤེས་རབ་ཀྱི་ཞབས་གཉིས་མཉམ་པའི་བརྟུལ་ཞུགས་ཀྱི་སྐྱིལ་མོ་ཀྲུང་དུ་བཞུགས་པ།། ཡེ་ཤེས་དྲུག་གི་ཕྱག་ཡེ་ཤེས་འབར་བའི་ཕྱག་རྒྱ་ཅན།། སྐུ་གསུང་ཐུགས་བསམ
6b2 གྱིས་མི་ཁྱབ་པའི་དབུ་གསུམ་དང་ལྡན་པ།། བཅོམ་ལྡན་འདས་དེ་བཞིན་གཤེགས་པ་རྣམ་པར་ཤེས་པའི་རྒྱལ་པོ་དང་།། དེ་བཞིན་གཤེགས་པ་གཟུགས་ཀྱི་རྒྱལ་པོ་དང་།། དེ་བཞིན་གཤེགས་པ་ཚོར་བའི་རྒྱལ་པོ
6b3 དང་།། དེ་བཞིན་གཤེགས་པ་འདུ་ཤེས་ཀྱི་རྒྱལ་པོ་དང་།། དེ་བཞིན་གཤེགས་པ་འདུ་བྱེད་ཀྱི་རྒྱལ་པོ་དང་།། དེ་དག་ཀུན་ཀྱང་མཐིང་ཁ་དང་།། དཀར་པོ་དང་།། སེར་པོ་དང་།། ལེ་བརྒན་དང་།། ལྗང་ཁུའི་མདོག་ཏུ
6b4 འཚེར་བ།། བཙུན་མོ་དམ་པ་སྣང་བའི་དབྱིངས་དང་།། སྲ་པའི་དབྱིངས་དང་།། མཉེན་པའི་དབྱིངས་དང་།། དྲོ་བའི་དབྱིངས་དང་།། བསྐྱོད་པའི་དབྱིངས་ལ་སོགས་པ།། བཙུན་མོའི་དབྱིངས་དང་གཉིས་སུ་མེད་པར
6b5 ཆོས་ཀྱི་དབྱིངས་ཀུན་ཏུ་མཐའ་ཡས་པར་ཁྱབ་པ་ནི།། འདི་ལྟ་སྟེ།། དཔེར་ན་ཏིལ་གྱི་གང་བུ་བཞིན་གང་ནས་ཁྱབ་པར་བཞུགས་སོ།། དེ་ནས་བྱང་ཆུབ་ཆེན་པོ་རྡོ་རྗེ་མཐོང་བ་དང་།། བྱང་ཆུབ་ཆེན་པོ་རྡོ་རྗེ་ཟོས་པ
6b6 དང་། བྱང་ཆུབ་ཆེན་པོ་རྡོ་རྗེ་སྣོམ་པ་དང་།། བྱང་ཆུབ་ཆེན་པོ་རྡོ་རྗེ་མྱོང་བ་དང་།། བཙུན་མོ་མཐོང་བར་བྱ་བ་དང་།། གཉན་པར་བྱ་བ་དང་།། བསྣམ་པར་བྱ་བ་དང་།། མྱོང་བར་བྱ་བར་བྱ་བའི་ཚོགས་དང་། བྱང་ཆུབ
iiif viewer powered by OpenSeadragon
