| e-texts navigator |
| Wylie |
5b1 ཕྱིར།། གསང་བའི་མཆོག་རྒྱུད་འདི་ཉིད་ནི།། ཡང་ནས་ཡང་དུ་གཏད་པར་བྱའོ།། དེ་བཞིན་ད་ལྟར་གཏོད་འཛིན་པ།། དེ་བཞིན་དུ་ནི་གཏད་བྱས་སོ།། རྒྱས་པ་ཆེན་པོ་རྒྱུད་ཕྱི་ཏ་དོན་འཛིན་པ་རྫོགས་སོ།། །
5b2 རྒྱ་གར་གྱི་པཎྜི་ཏ་བི་མ་ལ་མི་ཏྲ་དང་།། བོད་ཀྱི་ལོ་ཙ་བ་རྨ་རིན་ཆེན་མཆོག་དང་གཉགས་ཛྙཱ་ན་ཀུ་མ་རས་བསྐུར་ཅིང་གཏན་ལ་ཕབ་པའོ།། རྒྱ་གར་སྐད་དུ།། མ་ཡ་ཛ་ལ་ཤི་ཛྙ་ནག་དྷ་ཊནྣ་ནཱ་མ།། བོད
5b3 སྐད་དུ།། དཔལ་སྒྱུ་འཕྲུལ་དྲ་བ་ཡེ་ཤེས་ཀྱི་སྙིང་པོའི་རྒྱུད་ཅེས་བྱ་བ།། དཔལ་ཀུན་ཏུ་བཟང་པོ་ལ་ཕྱག་འཚལ་ལོ།། འདི་སྐད་བཤད་པའི་དུས་ན། དེ་བཞིན་གཤེགས་པ་ཡང་དག་པར་རྫོགས་པའི་སངས་རྒྱས་བཅོམ
5b4 ལྡན་འདས་གསང་བའི་ལོངས་སྤྱོད་ཆེན་པོ་ཀུན་ལ་ཁྱབ་པའི་བདག་ཉིད།། ཕྱོགས་བཅུ་དུས་བཞིའི་དེ་བཞིན་གཤེགས་པ་ཐམས་ཅད་ཀྱི་སྐུ་དང་།། གསུང་དང་།། ཐུགས་རྡོ་རྗེའི་བདག་ཉིད་ཅན་མ་ལུས།། མི
5b5 ལུས།། ལུས་པ་ཐམས་ཅད་དང་།། སོ་སོ་མ་ཡིན་ཐ་མི་དད་དབྱེར་མེད་པའི་རང་བཞིན་ཐིག་ལེ་ཆེན་པོ་ཡེ་ཤེས་སྙིང་པོའི་བདག་ཉིད་དེ།། གསང་བའི་འོག་མིན་ཆེན་པོ་མཐའ་དང་དབུས་མེད་པའི་རང་བཞིན།། ཚད
5b6 དཔག་མེད་པ་གསང་བའི་ཡེ་ཤེས་འཁོར་ལོ་གསལ་བ་ལ།། གསང་བའི་ཡེ་ཤེས་རིན་པོ་ཆེ་འོད་འབར་བའི་གཞལ་ཡས་ཁང་།། རྒྱ་ནམ་མཁའི་དབྱིངས་ལྟར་ཡོངས་སུ་མ་ཆད་པ།། ཡེ་ཤེས་ཡོན་ཏན
iiif viewer powered by OpenSeadragon
