| e-texts navigator |
| Wylie |
5a1 གསང་བའི་སྙིང་པོའི་རྒྱུད་ཕྱི་མ་རྫོགས་སོ།། ། རྒྱ་གར་གྱི་མཁན་པོ་ཛ་ན་ཟ་དང་།། ལོ་ཙཱ་བ་ཟེ་རོ་ཙ་ནས་བསྐུར་བའོ།། གསོད་པ་རྒྱལ་བར་འགྱུར་གྲགས།། དེས་ན་ནམ་མཁའ་ཆེན་པོའི
5a2 སྐུ།། སྡིག་མེད་ཡོན་ཏན་ཀུན་ལྡན་པའི།། དེ་བཞིན་རྒྱུད་མཆོག་རྒྱལ་པོ་ཡི།། བདག་ཉིད་ཆེན་པོ་རྒྱུད་རྒྱལ་འདི།། སེམས་དང་མཆོད་པར་བྱེད་པ་དང་འདྲི་ཞིང་གང་ཞིག་འདྲིར་འཇུག་ལ།། དེ་བཞིན་གཤེགས་པའི
5a3 བདག་ཉིད་བཞིན་འཛིན་པས། དེ་དག་ལའང་རྟག་ཏུ་ཕྱག་འཚལ་ལོ།། གང་འདི་འཆང་བ་འང་བདག་ཉིད་ཆེན་པོར་འཛིན་པས།། དེ་ལའང་རྟག་ཏུ་ཕྱག་འཚལ་ལོ།། མོས་ཤིང་གུས་དང་ཤིན་ཏུ་འཛིན་པ་དང་།། དད
5a4 དང་མི་གཏོང་ཁྱད་པར་ཕྱོགས་པ་ལའང་།། ཀུན་ཏུ་བཟང་པོ་ཉིད་དུ་འཛིན་པས་དེ་དག་ལའང་ཕྱག་འཚལ་ལོ།། ཅིས་ཀྱང་མི་གོས་རྒྱལ་བ་ཉིད་ལས་གཞན་དུ་མ་མཐོང་ཡང་།། སངས་རྒྱས་པར་འཛིན་དེ་དག་ལའང
5a5 རྟ་ཏུ་བཞིན་ཕྱག་འཚལ་ལོ།། དཔེ་འམ་ཚད་མས་དཔག་ཏུ་མེད་པའི་གསང་ཆེན་འདིར།། དང་པོར་སེམས་བསྐྱེད་ཐ་མར་དེ་བཞིན་གནས་པ་དེ།། ཀུན་ཏུ་བཟང་པོ་ཉིད་དུ་བདག་ཉིད་དུ་ལྟ་བའི་ཕྱིར།། རྡོ་རྗེ་ཅན་རྟག
5a6 ཏུ་དེ་དག་ལའང་ཕྱག་འཚལ་ལོ།། དེ་ནས་མགོན་མོ་སྒྲོན་མེད་ཀྱིས།། གསང་བ་ཆུད་མ་ཟོས་བྱའི་ཕྱིར།། རྡོ་རྗེ་སེམས་དཔའ་རྡོ་རྗེའི་སྐུ།། ལག་ན་རྡོ་རྗེ་ཐོགས་པ་པོ།། གསང་བའི་འཛིན་པར་རབ་བསྔགས
iiif viewer powered by OpenSeadragon
