| e-texts navigator |
| Wylie |
4b1 གཞལ་ཡས་ཁང་དང་བཅས།། སྐལ་ལྡན་མི་ཡི་ཚོགས་རྣམས་ལ།། དུ་པུ་ཨཀ་རབ་ཏུ་བསམ།། ཞལ་ཟས་སྟེང་དུ་ཁྲག་འཐུང་ཚོགས།། མ་ལུས་སྙིང་པོ་བསམ་ནས་ནི།། ཡབ་ཡུམ་ཞལ་ཟས་ཡིག་འབྲུ་ལ།། ཐིམ
4b2 པས་འོད་ཀྱི་ཞལ་ཟས་བསྲེགས།། རྣམ་པར་དག་པའི་དབྱིངས་ཉིད་ལ།། རང་རིག་ཡེ་ཤེས་འོད་འབར་བས། ཁྲོ་བོའི་དཀྱིལ་འཁོར་བསམ་མི་ཁྱབ།། ཐབས་ལ་མཁས་པའི་རྣལ་འབྱོར་པས།། ཐམས་ཅད་ཁྲོ་བར་རབ
4b3 བསམ་ནས།། ཁྲོ་བོའི་དཀྱིལ་འཁོར་མ་ལུས་ལ།། ཡེ་ཤེས་རོལ་པའི་མཆོད་པ་འབུལ།། གཉིས་སུ་མེད་པས་ཐམས་ཅད་དགེས།། ཨཱ་བེ་ཤ་དང་ཁཱ་ཁཱ་ཅི་འདྲ་བ་ནི་དབུལ་བར་བྱ།། མེ་ལྷ་ལ་ནི་རྫས་བདུན
4b4 བདུན།། ཚོམ་བུས་བྱས་ཏེ་བསྟོད་པའོ།། ཧཱུཾ་ལས་ཡི་གེ་འབྲུ་གསུམ་པོ།། འོད་ཟེར་བྲེང་མ་ཆད་པ་ཡིས།། རོ་ཡི་དངོས་པོ་བསྲེགས་ནས་ནི།། ཤེས་པ་དངོས་མེད་སྟོང་པ་ལས།། ཡིག་འབྲུ་ཞུ་ནས་གསེར་ཟུན་ཚུལ།། རྡོ
4b5 རྗེ་ཡབ་ཡུམ་སྦྱོར་མཚམས་ནས།། ལྕགས་ཀྱུའི་ཚོགས་ཀྱིས་ཐམས་ཅད་བཀུག། ར་ག་ཡ་མི་བརྡ་བསྣོལ་མར།། ཡེ་ཤེས་ཡང་དག་སྦྱོར་བའི་མཆོག། ཕཊ་ཀྱི་མཆོད་པས་དགྱེས་འགྱུར་རོ།། དེ་ཉིད་བྱང་ཆུབ་སེམས་སུ
4b6 བྱ།། འོད་ཟེར་ཕུང་པོ་སྲེགས་ནས་ནི། མ་དམིགས་པ་རུ་བསམ་པའོ།། དེ་བཞིན་གཤེགས་པ་ཐམས་ཅད་ཀྱི་རང་བཞིན་དཔལ་གསང་བ་སྙིང་པོའི་མ་ཏ་ལས།། ཕུང་པོ་སྦྱོང་བའི་ལེའུ་སྟེ་ལྔ་པའོ།། །། དཔལ
iiif viewer powered by OpenSeadragon
