| e-texts navigator |
| Wylie |
29a1 ལ་བཞུགས་ཏེ་འདི་གསུངས་སོ།། སྟོང་ཉིད་དོན་དམ་རྒྱུ་ཡི་མཆོག། མ་འགག་ཀུན་རྫོབ་འབྲས་བུ་ཤར།། ཇི་སྙེད་སྐྱེད་པའི་རྒྱུ་མཆོག་ནི།། མ་སྐྱེས་རིག་པར་རང་འབྱུང་སྐུ།། ཀུན་རྫོབ་སྣ་ཚོགས་སྒྱུ་མའི
29a2 མཆོག། དོན་དམ་སྟོང་ཉིད་འབྲས་བུ་འབྱུང་།། དཔེར་ན་ཏིལ་མར་ཁྱབ་པ་འདྲ།། མ་བཅོས་ཡོངས་ཀྱིས་འོད་གསལ་བ།། སྟོང་ཉིད་བསྐྱེད་པའི་རྒྱུ་མཆོག་ནི།། སྟོང་ཉིད་སྙིང་པོ་བླ་ན་མེད།། ཡིད་བཞིན་རིན་ཆེན་ཕུང
29a3 པོར་གནས།། རང་བཞིན་ལྷུན་གྱིས་གྲུབ་པའོ།། མ་རྟོག་པ་དང་ལོག་པར་རྟོག། ཕྱོགས་རྟོག་ཡང་དག་ཉིད་མ་རྟོགས།། འདུལ་བ་དགོངས་པ་གསང་བ་དང་།། རང་བཞིན་གསང་བའི་དོན་རྣམས་ནི།། ལྔ་དང་གཉིས
29a4 དང་གཅིག་ལ་བགྲོད།། གསུམ་གྱི་སྤྱོད་ཡུལ་ཤེས་པར་བྱ།། དེ་ཤེས་ན་ནི་ཡེ་ཤེས་ཏེ།། ཕྱོགས་བཅུ་དུས་བཞི་མངོན་རྫོགས་པའི།། སྐུ་གསུང་ཡོན་ཏན་འཕྲིན་ལས་ཐུགས།། མ་ལུས་བདག་ཉིད་ཞལ་མཐོང
29a5 བ།། དབང་བསྐུར་མཆོག་གི་དམ་པ་ཡིན།། དཀྱིལ་འཁོར་ལ་གནས་དཀྱིལ་འཁོར་ཉིད།། རྫོགས་པའི་དཀྱིལ་འཁོར་ལྷུན་གྱིས་གྲུབ།། རྒྱན་དུ་དཀྱིལ་འཁོར་མ་ལུས་ཐོགས།། རྫོགས་པའི་དཀྱིལ་འཁོར་མཉམ་སྦྱོར
29a6 བས།། ཐུགས་རྗེའི་བྱིན་རླབས་ཡོངས་ཀྱི་འབྱུང་།། ཕྱོགས་དུས་དཀྱིལ་འཁོར་འདུལ་བའི་མགོན།། སྒྱུ་མའི་དཀྱིལ་འཁོར་སྒྲོལ་བ་ཡིས།། བྱ་བྱེད་མེད་པ་དཀྱིལ་འཁོར་སྤྱོད།། སྒྱུ་འཕྲུལ་སྙིང་པོ་བཀོད་པ་ལས།། གཞི
iiif viewer powered by OpenSeadragon
