| e-texts navigator |
| Wylie |
27a1 ཁྱིམ་ཟབ་འདྲ།། སངས་རྒྱས་འཁོར་བར་ལྷུང་ན་ནི།། བྱ་རྒོད་གཤོག་པ་ཆག་པ་འདྲ།། སེམས་ཅན་སངས་རྒྱས་རྒྱུར་གནས་པ།། ཏིལ་འབྲུ་མར་གྱིས་ཁྱབ་པ་འདྲ།། རང་རིག་བག་ཆགས་སྒྲིབ་པ
27a2 ནི།། ཉི་མ་སྤྲིན་གྱི་ཁེབས་པ་འདྲ།། རྣམ་རྟོག་རྐུན་བུར་ལྡང་བ་ནི།། ནམ་མཁའི་ངང་ནས་སྤྲིན་བྱུང་འདྲ།། འཇིག་རྟེན་བརྟན་གཡོ་དངོས་པོ་ཀུན།། རང་བཞིན་དཀྱིལ་འཁོར་ཆེན་པོ་སྟེ།། དཀྱིལ་འཁོར་ལྡན་པའི
27a3 དཀྱིལ་འཁོར་གྱིས།། སྲིད་གསུམ་སེམས་ཅན་ཐམས་ཅད་ལ། སྲོག་ཤིང་གསུམ་དང་འཁོར་ལོ་བཞི།། བརྒྱད་དང་དྲུག་ཏུ་ལྡན་པར་གནས།། དཀྱིལ་འཁོར་ལ་ནི་དཀྱིལ་འཁོར་བསྒོམ།། ལ་ལ་ན་དང་རེ་ས་ན།། ཨ
27a4 ཝ་དྷཱུ་ཏིའི་མཉམ་གནས་པ།། དྲི་ཆུ་ཁྲག་དང་དཀྱུས་པར་གནས།། ཐབས་དང་ཤེས་རབ་དབྱེར་མེད་པའོ།། གཡས་དང་གཡོན་དང་དབུས་ན་གནས།། སྐྱེས་བུ་བུད་མེད་གཉིས་གནས་དང་།། ཁུག་པ་ཁ་བརྒྱད་ཧར་བ
27a5 སྟེ།། པད་ཅན་དུང་ཅན་རི་མོ་ཅན།། བན་གླང་ཅན་དང་ལྕུག་ཕྲན་ཅན།། གདོང་གཅིག་མི་རེག་འཕྱར་བར་གནས།། རོ་མ་རྐྱང་མ་ཀུན་འདར་མ།། ཨ་ལི་ཀ་ལི་མཉམ་གནས་དང་།། ཐ་དད་ཡོད་པས་དམ་རྫས
27a6 རྒྱུ།། སྤྱི་བོ་མགྲིན་པ་སྙིང་དཀར་དང་།། ལྟེ་བ་ལྟེ་འོག་འགྲོ་མེད་དང་།། ཞལ་དང་ཕྲད་པ་གནས་པ་ནི།། བདེ་བ་ཆེན་པོའི་འཁོར་ལོ་དང་།། དེ་ཉིད་ལོངས་སྤྱོད་ཆོས་དང་ནི།། སྤྲུལ་པ་མེས་དང་རླུང་དང་བི།། སྟེང་ནས
iiif viewer powered by OpenSeadragon
