| e-texts navigator |
| Wylie |
98a1 མེས།། ཚད་ནི་འགྱུ་བ་རང་གྲོལ་ཡིན།། རྟག་ནི་བར་སྣང་འོད་ཀྱི་གནས།། དྲོད་ཚད་གཟུང་འཛིན་རང་སར་དག། འབྲས་བུ་ཆོས་མེད་རང་སར་གྲོལ།། སངས་རྒྱས་སྐུ་ལྔའི་འཁོར་གྱི་བསྐོར།། གྲགས
98a2 པ་མ་ཡིན་སྣང་བ་ཆེ།། སྣང་ཆེན་རང་སྣང་དཀྱིལ་འཁོར་དེ།། ཀུན་འབྱུང་ཡེ་ཤེས་རིག་པའི་གནས།། གཉིས་མེད་ཡེ་ཤེས་འཛིན་མེད་གནད།། ཐིག་ལེ་ཆོས་མེད་དངོས་པོའི་གནད།། གཉིས་མེད་ཟང་ཐལ་མ་རིག
98a3 གནད།། འགྱུར་མེད་རྩེ་གཅིག་འགྱུར་བའི་གནད།། ཐིག་ལེ་ཉག་གཅིག་འཁོར་ལོའི་གནད།། ཡེ་ཤེས་རང་སྣང་འབྱུང་བའི་གནད།། སྐྱེ་མེད་ཟང་ཐལ་རྟོག་པའི་གནད།། བཙལ་མེད་རང་འབྱུང་བློ་ཡི་གནད།། ལྷུན
98a4 གྲུབ་ཡེ་ཤེས་གཞི་ནི་གནད།། འབྲས་བུ་རང་ས་འཁྲུལ་པའི་གནད།། གནད་ཀྱི་གདགས་ངག་མ་ཤེས་ན།། དགའ་བོ་གཙུག་གི་ནོར་བུ་འདྲ།། གཏན་ལ་ཕེབས་དུས་མ་ཤེས་ན།། ལོང་བས་ལོང་བ་ཁྲིད་པ་འདྲ།། ཚད
98a5 དང་རང་རྟགས་མ་ཤེས་ན།། གསེར་ལ་བུངས་ཚོང་བྱེད་པ་འདྲ།། འཁྲུལ་པའི་དུས་ཚོད་མ་ཤེས་ན།། ཁ་བྲག་ལམ་དུ་འཚོམས་པ་འདྲ།། གཞི་ཡི་གནས་ལུགས་མ་ཤེས་ན།། གྲོགས་པོ་བསྐམ་པོར་ཆུ་འཚོལ
98a6 འདྲ།། ལམ་གྱི་ས་མཚམས་མ་ཤེས་ན།། རྒྱུས་མེད་ཐང་སྟོང་ལུས་པ་འདྲ།། འབྲས་བུ་རང་སར་མ་ཤེས་ན།། རྒྱ་མཚོར་གསེར་སྦྲམ་ལྷུང་བ་འདྲ།། དེ་དོན་མ་རྟོགས་ཡ་ཡང་ཆ།། འཁོར་བའི་གནས་ལས་ཐར་པའི་ས
iiif viewer powered by OpenSeadragon
