| e-texts navigator |
| Wylie |
97a1 འདས་པ་ཡི།། ཆོས་ཀྱི་སྐུ་ཡི་གཟུགས་བརྙན་འདི།། མ་འོངས་སྐལ་ལྡན་དོན་གྱི་ཕྱིར།། ཐུགས་ལས་ལྗགས་སུ་ཕྱུང་སྟེ་བསྟན།། བསྟན་པའི་རྒྱུད་ཆེན་རྒྱལ་པོ་འདི།། སྐལ་ལྡན་རྣམས་ཀྱི་གདེང་དུ
97a2 ཞོག། དགའ་དང་གུས་པས་ཕྱག་འཚལ་ལོ།། རབ་སྟོད་སྐུ་ལ་ཕྱག་འཚལ་ལོ།། དོན་གྲུབ་ཡོད་པས་གཞན་ན་མེད།། ཐུགས་རྗེར་ལྡན་ལ་ཕྱག་འཚལ་ལོ།། ཞེས་གསུངས་སོ།། ཆོས་ཀྱི་སྐུའི་གཟུགས་བརྙན་སྐུ་གདུང
97a3 མངོན་པར་བསྟན་པའི་རྒྱུད་ལས།། ལས་ཁ་བསྐང་བ་དང་ཡོངས་སུ་གཏད་པའི་ལེའུ་སྟེ་བཅུ་གསུམ་པའོ།། །། མཆོད་རྟེན་གྱི་ཆོ་ག། བཙན་པོས་ཕྱག་སྦལ་ནས།། ལོ་ཙཱ་བ་བན་དྷེ་རིན་ཆེན་མཆོག་གིས་བསྒྱུར
97a4 བ།། གཟུགས་ཆེན་པོ་མ་ཡིན་པ།། རྒྱུད་ཆེན་པོར་རྟོགས་པའོ།། བི་མ་ཨུཥྞཱི་ཥའི་སྐུ་གདུང་མངོན་པར་བསྟན་པའི་རྒྱུད་རྫོགས་སོ།། །། དད་ལྡན་སེམས་ཅན་རྣམས་ཀྱི་ལས།། སྐུ་གདུང་བཞེངས་པའི་ལས་བྱེད
97a5 པས།། རྒྱུད་འདིའི་རྗེས་སུ་འབྲངས་བྱས་ཏེ།། ལས་ཀྱི་རིམ་པ་མ་ནོར་བར།། ཡན་ལག་ཚང་བར་བྱས་ནས་ནི།། མཆོད་རྟེན་སྐུ་གདུང་ལས་བྱས་ན།། གཅིག་བཏབ་བྱེ་བ་བཏབ་དང་མཚུངས།། དཔུང་བཟངས་ཞུས
97a6 པའི་རྒྱུད་དག་ལ།། གང་གིས་སྦྱིན་སྲེག་དང་ནི་བཟླས་བརྗོད་ཀྱིས།། རང་གི་འདོད་པའི་ལྷ་དེ་མ་འགྲུབ་ཅིང་།། གསང་སྔགས་འབྲས་བུ་ཐོབ་པར་མ་གྱུར་ན།། དེ་ཚེ་བདེར་གཤེགས་སྐུ་གདུང་ས་ཚྭ་གདབ་པར
iiif viewer powered by OpenSeadragon
