| e-texts navigator |
| Wylie |
96b1 ཆུ་ཡིན་པས།། ཆུ་ལ་བཏབ་ཅེས་དེ་ལ་བྱ།། མཆོད་རྟེན་དངོས་སུ་གསལ་བྱེད་པས།། མེ་ལ་བཏབ་ཅེས་དེ་ལ་བྱ།། རླུང་གི་དངོས་པོ་མཚོན་བྱེད་པས།། ཆོས་རྣམས་རླུང་ཡོད་པས།། རླུང་ལ་བཏབ་ཅེས་དེ་ལ་བྱ།། ཆོས
96b2 ཉིད་ངང་ལ་དོན་གྱིས་ན།། གཅིག་ལ་ལྔ་ཚན་ཀུན་ཀ་ཚང་།། དེ་ལྟར་རྟོགས་ན་མཆོད་རྟེན་གདབ།། ནམ་མཁའ་དངོས་པོ་མེད་པ་ལ།། གསལ་ཞིང་གོ་འབྱེད་མཚན་མར་སྣང་།། མཆོད་རྟེན་གསལ་ཞིང་གཟུགས
96b3 བརྙན་བྱེད།། འབྱུང་བ་ལྔ་པོ་ཡེ་ནས་གསལ།། མཆོད་སྐུའི་མཆོད་རྟེན་ཡེ་ནས་གསལ།། རང་འབྱུང་མཆོད་རྟེན་འབྱུང་བ་ལ།། ཡེ་ནས་འབྱུང་བས་རང་འབྱུང་ངོ་།། ཕྱོགས་དང་མཚམས་ཉིད་ཆོས་ཉིད་ལ།། ཆོས་ཉིད
96b4 ང་ལས་རང་འབྱུང་ངོ་།། སྟོན་པས་སྤྲུལ་པ་དོན་མཛད་དེ།། འགྲོ་བ་ཐ་དད་སྣང་བ་ལ།། སྤྲུལ་པས་མཐུན་པའི་དོན་བྱེད་པས།། སྤྲུལ་པའི་མཆོད་རྟེན་ཞེས་སུ་བསྟན།། ཆོས་ཉིད་དངོས་པོ་མེད་པ་ལ།། ལས་ཀྱི་དབང
96b5 གིས་དངོས་པོའི་གཟུགས།། གཟུགས་བརྙན་མཆོད་རྟེན་ཞེས་སུ་བསྟན།། ཆོས་ཉིད་དོན་དང་འདྲ་བའི་གཟུགས།། དོན་ལ་བརྙན་པས་གཟུགས་བརྙན་ནོ།། རྟགས་པས་སྣང་བའི་ངོས་པོ་ལ།། སྐུ་ཡི་གཟུགས་བརྙན
96b6 ཞེས་སུ་བསྟན།། ཁྱད་པར་དེ་སྙེད་བསྟན་པ་ཡང་།། གདུལ་བྱའི་ངང་སྟེ་ཐ་དད་མེད།། མཚོན་དང་རྟོགས་པར་བྱ་བའི་ཕྱིར།། ཇི་སྙེད་འདོད་པ་དེ་སྙེད་བསྟན།། བསྟན་པ་ཉིད་ན་དངོས་པོ་མེད།། ཡོད་མེད་གཉིས་ལས
iiif viewer powered by OpenSeadragon
