| e-texts navigator |
| Wylie |
58b1 ནོ།། སེམས་དཔའ་ཆེན་པོ་སྲོག་དང་བྲལ་བ་ནི་སླའི། དེ་བཞིན་གཤེགས་པ་ཐམས་ཅད་ཀྱི་མན་ངག་དང་དམ་ཚིག་ཉམས་པ་ནི་དེ་ལྟ་མ་ཡིན་ནོ།། དེ་ཅིའི་ཕྱིར་ཞེ་ན། སྲོག་དང་བྲལ་བས་ནི་ཚེ་འདི་ཉིད་ཀྱི་སྐྱེ་བ་ཟད
58b2 པར་འགྱུར་གྱི། དམ་ཚིག་ཉམས་པ་ནི་ཚེ་རབས་དང་བསྐལ་པ་ཆེན་པོ་སྐར་མ་ནམ་མཁའ་བྱེ་བའི་དུས་གྲངས་སུ་སྡུག་བསྔལ་ལས་མི་ཐར་པར་འགྱུར་རོ།། སེམས་དཔའ་ཆེན་པོ་དམ་ཚིག་ཉམས་པ་ནི་ཚེ་འདི་དང་ཕྱི
58b3 མ་ལ་སོགས་པར་བདེ་བའི་སྐབས་མི་འབྱེད་ཅིང་། ཐུབ་པ་ཆེན་པོ་ཇི་སྐད་དུ་བསྟན་པའི་སྡུག་བསྔལ་ལས་ཐར་པར་མི་འགྱུར་རོ།། མན་ངག་ཉམས་པ་ནི། དེའི་སྒྲུབ་པ་དང་བཟླས་པ་ལ་སོགས་པ་ཅི་བྱས་ཀྱང་འབྲས
58b4 བུ་སྐྱེ་བར་མི་ནུས་སོ།། སེམས་དཔའ་ཆེན་པོ་གཞན་ཡང་མ་རྟགས་པའི་དམ་ཚིག་ཀྱང་ཡོད་དོ།། པགས་པ་གྱོན་པ་དང་། ཤ་ཟ་བ་དང་། ཁྲག་འཐུང་བ་དང་། ཏ་མལ་པའི་ལོངས་སྤྱོད་ཆེན་པོ་བྱེད་པ་དང་། བཙོང
58b5 དང་། ལ་ཕུག་དང་། སྒོག་པ་ལ་སོགས་པ་ཟ་བར་བྱེད་པ་འདི་དག་ཀྱང་དམ་ཚིགས་ཉམས་པའོ།། གཞན་ཡང་སྡོམ་པ་ཐམས་ཅད་ལ་ལེགས་པར་གནས་པ་ནི། འཇིག་རྟེན་དང་འཇིག་རྟེན་ལས་འདས་པའི་བདེ
58b6 བཔབ་ཐམས་ཅད་ཐོབ་པར་འགྱུར་རོ།། བཅོམ་ལྡན་འདས་སྡོམ་པ་ཐོབ་པའི་དུས་གང་ལགས། བླ་མས་གནང་བ་དང་། བྱང་ཆུབ་སེམས་བསྐྱེད་པ་དང་། བློ་མཆོག་དང་ལྡན་པ་དང་། བླ་མ་ལ་ཚིག་བརྗོད་པ་གསུམ་གྱི་ཐ
iiif viewer powered by OpenSeadragon
