| e-texts navigator |
| Wylie |
57b1 བ་ཡིན།། འདི་དག་ཉམས་པར་འགྱུར་ན་ནི།། གང་ཞིག་སྟོན་པ་འབྲས་བུ་མེད།། ཇི་སྲིད་སངས་རྒྱས་བཞུགས་ཀྱི་བར།། དེ་སྲིད་ངན་འགྲོར་བར་འགྱུར།། ཁྱད་པར་དམ་ཚིག་བཤད་བྱ་སྟེ།། གང་དུ་རང་གི་བསྒྲུབ་པ
57b2 ཡི།། ཕྱག་རྒྱར་སྨྲ་བར་བྱེད་པ་དང་།། ཕྱག་རྒྱའི་གཟུགས་བརྙན་སྟོན་པར་བྱེད།། གང་ཞིག་སྔགས་རྣམས་སྨྲ་བར་བྱེད།། སྔགས་ཀྱི་གཟུགས་བརྙན་སྟོན་པར་བྱེད།། གང་གི་ཆ་རྐྱེན་ཕྱོགས་སུ་རྟོགས།། ཐམས་ཅད
57b3 སྟོན་པར་བྱེད་པ་དང་།། གསང་བའི་བདག་པོ་སྨོད་པར་བྱེད།། ལྷ་ལ་མཆོད་པ་རྒྱུན་གཅོད་དང་།། ཚོགས་དང་གྲོགས་ཀྱི་ནང་དུ་བྱེད།། གཞན་དུ་ཡིད་ཀྱིས་བྱེད་པ་དང་།། མནྡལ་ཚ་ཚྭ་ལ་སོགས་སྤོངས།། རྟགས
57b4 རྣམས་འཆང་བར་མི་བྱེད་པ།། སྐྱེས་བུའི་དམ་ཚིག་ཉམས་པ་ཡིན།། ཞེས་གསུངས་མ་ཐག་ཏུ།། འདུས་པ་ཆེན་པོའི་འཁོར་རྣམས་ཀྱིས།། བཅོམ་ལྡན་འདས་ལ་བསྟོད་པ་དང་།། ཕྱག་འཚལ་ཞིང་མེ་ཏོག་གཏོར
57b5 ཏེ།། འདི་སྐད་ཅེས་གསོལ་ཏོ།། བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མན་ངག་ཉམས་པ་ཞེས་བྱ་བ་གང་ལགས། བཀའ་སྩལ་པ། སེམས་དཔའ་ཆེན་པོ་མན་ངག་ཉམས་པ་ཞེས་བྱ་བ་གསུམ་སྟེ།
57b6 སློབ་དཔོན་ལ་བརྟེན་པ་དང་། ཡི་གེ་ལ་བརྟེན་པ་དང་། བཤད་པ་ལ་བརྟེན་པའོ།། གསོལ་པ། སློབ་དཔོན་ལ་བརྟེན་པའི་མན་ངག་ཉམས་པ་གང་ལགས། བཀའ་སྩལ་པ། སློབ་དཔོན་ལ་བརྟེན་པའི་མན་ངག་ཉམས
iiif viewer powered by OpenSeadragon
