| e-texts navigator |
| Wylie |
47a1 འཁོར་བསྡུ་བ་ནི། སྙིང་པོ་ནི་གནས་པའི་ངང་དུ་དཀྱིལ་འཁོར་བསྡུ་ཞིང་། སྙིང་པོ་གསལ་བའོ།། དྲན་པ་ཙམ་གྱིས་རིག་པ་གསལ་བར་བྱ་སྟེ། ལས་ཐམས་ཅད་ཀྱི་གཞུང་བསྡུས་ནས། དོན་མཐར་ཕྱིན
47a2 པ་སློབ་དཔོན་གྱིས་བསྟན་པར་བྱའོ།། དེ་ཡང་མན་ངག་གིས་བྱང་སེམས་བདེ་བ་ཆེན་པོས། ཡེ་ནས་སངས་རྒྱས་པས་ཕྱོགས་རིས་དང་སྟེང་འོག་མེད་པར་ཁྱབ་ཅིང་བདལ་བས། དུས་ལ་སྔ་ཕྱི་མེད་ལ། གནས་ལ་མཐོ
47a3 དམན་མེད་ལ་སེམས་ལ་སྐྱེ་ཤི་མེད་པས། མན་ངག་རྫོགས་པ་ཆེན་པོ་ཡེ་ནས་བྱ་བ་བཙལ་དང་བྲལ་བར་རྟོགས་ན། ལྷག་མ་དང་འཇུག་བསྡུ་བ་ཡང་མི་དགོས་སོ།། བྱས་ཀྱང་མི་འགལ་ལོ།། དེའི་ཕྱིར་ན་འདི་སྐད
47a4 ཅེས་བཀའ་སྩལ་ཏོ།། རྫོགས་པ་ཆེན་པོའི་ཀློད་གདལ་བ།། མཐོ་རིས་མེད་ཅིང་སེམས་ཅིང་ངན་སོང་མེད།། སངས་རྒྱས་མེད་ཅིང་སེམས་ཅན་མེད།། མེད་པ་མ་ཡིན་སྙིང་པོའི་དོན།། ཞེས་གསུངས་སོ།། དེ་ལ
47a5 སྣོད་ཀྱི་ཁྱད་པར་ཤེས་པར་བྱ་བ་ནི། རྫོགས་པ་ཆེན་པོའི་ལྟ་བ་ཡ་ཐ་ཡིན་པས་གང་ཡང་མི་ཤོང་བ་མེད་ཅེས་ཏེ། ཀུན་གྱི་ཐུན་མོང་དུ་མ་གསུངས་སོ།། དཔེར་ན་ནམ་མཁའ་ལ་ཡངས་དོགས་མེད་ཅིང་ཀུན་ལ་ཁྱབ་པ
47a6 ཡིན་ཀྱང་། མིག་ནད་ཅན་དུག་གིས་ཟིན་པས་ལྟས་པས།། ནད་དང་དུག་གི་ཁ་དོག་ཏུ་སྣང་བ་བཞིན།། རྫོགས་པ་ཆེན་པོའི་ཆོས་ཐམས་ཅད་ཡེ་ནས་སངས་རྒྱས་པ་ཡིན་ཀྱང་། ཉན་ཐོས་དང་ཐེག་པ་འོག་མ་པ་སྲེག
iiif viewer powered by OpenSeadragon
