| e-texts navigator |
| Wylie |
46b1 ད་ནི་ཕྱི་མའི་འཇུག་ལ་ལྷག་མ་མ་ལུས་པའི་ལས་ཅི་བྱ་བ་ཆེན་པོ་དྲུག་ལས་ཅི་བྱ་བ་དོན་གསལ་བར་སྨོས་པ་སྟེ། དེ་ཡང་འདི་སྐད་ཅེས་གསུངས་ཏེ།། རྒྱུད་དྲུག་སེམས་ཅན་གནས་སྦྱངས་ནས།། རིགས
46b2 ངེས་རྒྱལ་བའི་སྲས་བསྐྱེད་པ།། དུས་གསུམ་ཕུང་པོ་སྦྱངས་ནས་ཀྱང་།། ལྷག་མ་བཤགས་བྱང་བསྐང་བཅོས་བྱ།། ཀུན་གྱི་ཐུན་མོང་མ་ཡིན་པས།། སྣོད་ཀྱི་ཁྱད་པར་ཤེས་པར་བྱ།། ཞེས་བྱུང་བས་རྒྱུད་ཕྱི་མ་འདི་ལ
46b3 དོན་རྣམ་པ་བཞི་སྟེ། ལས་ཀྱི་ལྷག་མ་བསྡུ་བ་དང་། སྣོད་ཀྱི་ཁྱད་པར་ཤེས་པར་བྱ་བ་དང་། གཉིས་སུ་མེད་བཤགས་པ་དང་། སྨོན་ལམ་བཏབ་པའོ།། །། དེ་ལ་ལས་ཀྱི་ལྷག་མ་བསྡུ་བ་ལ་དོན་བདུན་ཏེ། མ་འོངས
46b4 པའི་རྒྱལ་བ་ཐམས་ཅད་བླ་ན་མེད་པའི་སངས་རྒྱས་སུ་གྲུབ་པར་སྨོན་ལམ་གདབ་པ་དང་། སྣང་བ་དང་ནི་སྣང་བའི་འཇིག་རྟེན་གྱི་ཁམས་ཐམས་ཅད་རྡོ་རྗེ་འཆང་གི་གྲལ་ཐོབ་ཅིང་བཞུགས་པར་བྱ་བ་དང་།། རྣལ
46b5 འབྱོར་དངོས་ཀྱི་རྒྱུད་ལས་ཚོར་བ་དང་མ་མཚོ་བའི་ཉམས་ཆགས་ཐམས་ཅད་བཤགས་པར་བྱ་བ་དང་། ཉོན་མོངས་པའི་སེམས་ཅན་ཁམས་གསུམ་འཁོར་བ་ན་གནས་པ་རྣམས། སྙིང་པོ་བྱང་ཆུབ་ལ་དགོད
46b6 པའི་ཐུགས་རྗེས་གཟུང་ཞིང་ལས་བཅོལ་བ་དང་།། ཐའ་ཡས་པའི་སེམས་ཅན་ཐམས་ཅད་ཇི་ལྟར་འདོད་པའི་རེ་བ་སྐོངས་པ་དང་། ཁྱད་པར་གྱི་ལས་ངེས་པ་སོར་བྱེད་པ་དང་། དཀྱིལ་འཁོར་བསྡུ་བའོ།། དེ་ལ་དཀྱིལ
iiif viewer powered by OpenSeadragon
