| e-texts navigator |
| Wylie |
33a1 པའི་དབྱིངས་ཡེ་ནས་རྣམ་པར་དག་པ་ཤེས་ན། གནས་བཅལ་ཀྱང་མི་དགོས། རྙེད་ཅིང་ཡོད་ན་ཡང་མི་འགལ་བ་དང་། དེ་ལྟ་བུའི་གནས་སུ་ལས་དང་བྱ་བ་གཞུང་ནས་བྱུང་བ་ཀུན་བྱའོ།། དེ་ཡང་ཀུན
33a2 གཞིའི་ཀུན་ཏུ་བཟང་པོ་བཟང་ངན་སྤོང་ལེན་མེད་པར་རྟོགས་ན། ལས་དང་བྱ་བ་བྱས་ཀྱང་མི་འགལ།། མ་བྱས་ཀྱང་ནི་དགོས་སོ།། དེ་ལྟར་ལས་དང་བྱ་བ་གཞུང་ནས་འབྱུང་བ་བཞིན་བྱས་པའི་སར་གནས་གསང
33a3 བའི་དཀྱིལ་འཁོར་ཞི་ཁྲོ་འབར་བའི་གཟུགས་བརྙན་བྲི་བ་ཡང་གོ་རིམ་མ་ནོར་བར་བྲི་ཞིང་། བཞེངས་སུ་གསོལ་ལོ།། དེ་ཡང་ཕྱོགས་ཐམས་ཅད་ནི་དཀྱིལ་འཁོར། འབྱོར་པ་ཐམས་ཅད་ནི་ལྷ་རྒྱུད། སྣང་བ་ཐམས
33a4 ཅད་ནི་རང་གནས། རྟོག་པ་ཐམས་ཅད་ཡེ་ནས་སངས་རྒྱས་པ་ཡིན་པར་ཡིད་ཆེས་ཤིང་མཐར་ཕྱིན་ན་དཀྱིལ་འཁོར་བྱ་བ་ཡང་མི་དགོས་ལ། བྱས་ཀྱང་མི་འགལ་ལོ།། དེ་ལྟར་གཞུང་ལས་བྱུང་བའི་དཀྱིལ་འཁོར་བྲིས
33a5 པ་དེར་མཚམས་བཅད་པར་བྱས་ཏེ། ཏིང་ངེ་འཛིན་གྱིས་ཕྱོགས་བཅུ་ཁྲོ་བོའི་དཀྱིལ་འཁོར་མང་པོ་ཡིད་ལ་བཀྲམ་ནས། ཕྱི་ནང་སྣོད་བཅུད་ཐམས་ཅད་ཀྱི་འཇིག་རྟེན་གྱི་ཁམས་རིལ་དུག་གསུམ་གྱི་དབང་གིས་སྣང
33a6 བའི་སྐྱེ་འགྲོ་དང་། རྡོ་ཤིང་ས་བྲག་ལ་སོགས་པའི་ཟུང་དུ་ཐམས་ཅད་ཀྱང་། ཡེ་ནས་སངས་རྒྱས་པའི་ཁྲོ་བོ་ཆེན་པོའི་རང་བཞིན་ཅན་ཡིན་ལ། འདི་དག་བལྟ་བས་ཀྱང་ཐུགས་སུ་ཆུད་པར་བལྟ་ལ། རིལ་ཁྲོ་བོའི་རང
iiif viewer powered by OpenSeadragon
