| e-texts navigator |
| Wylie |
32b1 བའི་ཐུགས་ཡེ་ཤེས་ཀྱི་རང་གནས་ཡིན་པར་བྱིན་གྱིས་བརླབས་སོ།། དེ་ཡང་འཕྲལ་དུ་བརླབས་པ་མ་ཡིན་ཏེ། དཔེར་ན་མེ་ལོང་གཡས་གོས་པ་ཕྱིས་པ་བཞིས། ཆོས་ཐམས་ཅད་ཡེ་དང་པོ་ནས། བྱང་ཆུབ་སེམས་བདེ
32b2 བ་ཆེན་པོའི་སྙིང་པོ། ཡེ་ནས་མ་བཅོས་པའི་རང་བཞིན་ཡང་དག་པར་ཐམས་ཅད་དུ། སངས་རྒྱས་པར་རྒྱས་པར་རྟག་པའི་ངེས་དོན་དང་། གསང་སྔགས་ཆེ་བའི་རྐྱེན་གྱིས་བྱིན་གྱིས་བརླབས་ཁྱད་པར་དུ་ཀུན་ཏུ
32b3 བཟང་པོར་གྲུབ་པར་མཛད་དོ། དེ་ཅིའི་ཕྱིར་ཞེ་ན། སྣང་སྲིད་ཐམས་ཅད་ཆོས་ཉིད་ཀྱི་གནས་ཡིན་ལ། རང་རིག་པའི་ཡེ་ཤེས་ནི་ཆོས་ཉིད་ཀྱི་སྟོན་པ་ཡིན་པ་ལ། སྐྱེ་འགྲོ་ཐམས་ཅད་ནི་ཆོས་ཉིད་བདེ་བ་ཆེན་པོར
32b4 བསྒྲལ་བ་ནི། འཁོར་བ་ཆོས་ཉིད་ཡིན་ལ། རྣམ་རྟོག་ཐམས་ཅད་ཡེ་ཤེས་ལ། སྡུག་བསྔལ་ཐམས་ཅད་བྱང་ཆུབ་ཡིན་པའི་ཕྱིར་རོ།། དེ་ལྟར་བུའི་ཐེག་པ་འདི། དཔེར་ན་ཤོང་ཡང་ས་ཆེ་ཆུང་གིས་ནམ་མཁའ་ཡངས་པ
32b5 ཀུན་ལ་ཤོངས་པ་དང་འདྲ་བར། ཐེག་པ་ཐམས་ཅད་ལས་གོང་དུ་འཕགས་པ་འམ། ཐེག་པ་ཐམས་ཅད་ལས་ཁྱད་པར་དུ་འཕགས་པས། ཀུན་གྱི་གཞི་ཡིན་པའི་ཕྱིར། འདིའི་ནང་དུ་མ་འདུས་པ་གང་ཡང་མེད
32b6 པས། ཐེག་པ་ཐམས་ཅད་འདིའི་འཁོར་དུ་འདུས་པས། ཐེག་པ་གང་དང་ཡང་མི་འགལ་བར་བྱ་བའི་ཕྱིར། དང་པོ་རྣལ་འབྱོར་གྱི་གནས་གཞུང་དང་མཐུན་ཞིང་ཚུལ་དང་ལྡན་པ་བཙལ་བ་དང་། དེ་ཡང་སེམས་མ་སྐྱེས
iiif viewer powered by OpenSeadragon
