| e-texts navigator |
| Wylie |
31b1 བྱ།། ཨོཾ།། མེ་ཡི་ལྷ་ནི་གྲུབ་པར་མཛད།། སེམས་ཅན་ཐམས་ཅད་བདེ་བ་འདྲེན།། སྐུ་གསུང་ཐུགས་ཀྱི་སྒྲུབ་དོན་དུ།། ལྷ་རྣམས་ལས་ནི་རྗེས་སུ་བསྐྱོབ།། ཡེ་ཤེས་ཞི་བ་གཤེགས་ནས་སུ།། ས་གཞི་ཞི་བར་རབ་མཛོད
31b2 ཅིག། རྒྱུ་དང་མི་རྒྱུ་བཅས་པ་ཡི།། བསྒྲུབ་པ་པོ་དང་ཐམས་ཅད་དང་།། བདག་གི་བསོད་ནམས་འབྲས་འགྱུར་དང་།། སྔགས་ཀྱི་དངོས་གྲུབ་རབ་གསོལ་ཅིག། ཨ་ཨཱ་ཨི་ཨཱི་ཨུ་ཨཱིཾ་རྀ་རཱ་ལྀ་ལཱྀ་ཨེ་ཨཱི་ཨོ་ཨོ་ཨ་ཧཱུཾ་ན
31b3 སྭཱཧཱ། ཧཱུཾ། རྡོ་རྗེ་བདུད་རྩི་བདེ་བ་ཆེ།། བཅོམ་ལྡན་རྡོ་རྗེ་དེ་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་སྐུ་དང་། གསུང་དང་། ཐུགས་རྡོ་རྗེ་ཅན། རྡོ་རྗེ་བདུད་རྩི་བདེ་བ་ཆེན་པོའི་རྡོ་རྗེ་བདུད་རྩིའི་རྒྱུན་ཆེན
31b4 པོ་ལས། སྦྱིན་སྲེག་ཆོ་ག་བསྟན་པ་ཞེས་བྱ་བའི་ལེའུ་སྟེ་བཞི་པའོ།། །། བདུད་རྩི་སྨན་གྱི་རྒྱུད་ཆེན་པོ་རྫོགས་སོ།། །།
iiif viewer powered by OpenSeadragon
