| e-texts navigator |
| Wylie |
28b1 གསུངས།། རྡོ་རྗེ་བདུད་རྩི་བདེ་ཆེན་པོ།། བཅོམ་ལྡན་རྡོ་རྗེ་ཅན་འདི་གསུངས།། ཕྱག་རྒྱ་སྔགས་དག་འབྱུང་བ་ནི།། བཤད་དོ་ཉོན་ཅིག་མཱ་མ་ཀི། ཕྱག་རྒྱ་རྣམ་པ་གསུམ་གསུངས་ཏེ།། སྐུ་དང་གསུང་དང་ཐུགས་ལས
28b2 འབྱུང་།། སྐུས་ནི་ལག་པའི་ཕྱག་རྒྱར་འགྱུར།། གསུང་གི་ཕྱག་རྒྱ་སྔགས་མཚན་ཉིད།། ཐུགས་ནི་མཚན་མའི་ཕྱག་རྒྱ་སྟེ།། བསམ་གཏན་རི་མོ་གཉིས་མེད་གནས།། རྡོ་རྗེ་བདུད་རྩི་རྒྱུད་ཆེན་ལ།། ལག་པའི་ཕྱག་རྒྱ
28b3 རྣམས་སྤངས་ལ།། སྦྱོར་བའི་ཕྱག་རྒྱ་རྟག་ཤེས་བྱ།། མཚན་མའི་ཕྱག་རྒྱ་མི་བྲིའོ།། ལྷ་ཡི་ལྷ་མོ་བུད་མེད་དོ།། དབང་པོ་ཐམས་ཅད་བདེ་བ་རུ།། བྷ་གའི་པད་མར་མཆོད་པ་བྱ།། རྡོ་རྗེ་པད་མོར་མཉམ་སྦྱོར
28b4 ཞིང་།། ལས་རྣམས་ཐམས་ཅད་འགྲུབ་པར་བྱ།། ཇི་ལྟར་དཔག་བསམ་ཤིང་ཆེན་གྱི།། ཡལ་ག་ཕྱག་རྒྱ་སྟོང་ལྡན་པའི།། རྩ་བ་དེ་ལས་བཟུང་ནས་ནི།། སྐྱེས་པའི་སྐྱེན་དུ་གྱུར་པ་བཞིན།། དེ་ལྟར་བདུད་རྩི་འབབ་པའི
28b5 རྩ།། སྔགས་དང་ཕྱག་རྒྱ་ཡུམ་ཡིན་ཏེ།། སྔགས་རྣམས་ཀྱིས་ནི་སྐྱོང་བྱེད་དོ།། བྷ་གའི་དབུས་སུ་གནས་པའོ།། དེ་ནས་བཅོམ་ལྡན་རྡོ་རྗེ་ཅན།། རྡོ་རྗེ་བདུད་རྩི་བདེ་ཆེན་པོས།། རྡོ་རྗེ་གཙུག་ནས་མཱ་མ་ཀི། ཉིན་གཅིག
28b6 སྔགས་རྣམས་མཚན་ཉིད་ན།། དང་པོ་རྣམ་པར་སྣང་མཛད་སྦྱོར།། བཛྲ་ཨ་མྲྀ་ཏ་མ་ཧཱ་སུ་ཁ། ས་བོན་བཞི་དང་མཉམ་ལྡན་ལ།། སྦ་ཡི་ཡི་གེ་ཡང་སྦྱར་རོ།། རྡོ་རྗེ་བདུད་རྩི་སྙིང་པོ་ནི།། འདོད་པ་ཐམས་ཅད་རབ་བསྒྲུབ
iiif viewer powered by OpenSeadragon
