| e-texts navigator |
| Wylie |
25a1 དང་།། འཁོར་བའི་རྒྱུ་མཆོག་བསྒྲལ་བའི་ཕྱིར།། དགའ་བ་ཆེན་པོ་སྦྱོར་བ་ཡིས།། མཱ་མ་ཀིས་ནི་འདིར་དྲིས་པ།། བཞད་ནས་འདི་སྐད་བཀའ་སྩལ་ཏོ།། ཟུར་གསུམ་དཀྱིལ་འཁོར་བྲིས་ནས་སུ།། གསང
25a2 བའི་འདབ་མ་མཱ་མ་ཀི། སྙིང་པོ་གསང་བའི་སྤྱོད་ཡུལ་གྱི།། པད་མ་འདབ་མ་བརྒྱད་པ་བྱ།། དེ་དབུས་ཁྱོད་དང་ང་ཡོད་དེ།། གཙོ་བོ་ཞལ་གསུམ་ཕྱག་དྲུག་པ།། དང་པོའི་ཞལ་ནི་ནག་པོ་སྟེ།། གཡས་པ་དཀར་པོ་རུ་ནི
25a3 བརྗོད།། གཡོན་དུ་དམར་པོར་རབ་ཏུ་གསུངས།། ལྷ་ཡི་རྒྱན་གྱིས་བརྒྱན་པ་དང་།། ལྷ་ཡི་ན་བཟའི་མེ་ཏོག་འཕྲེང་།། ལྷ་ཡི་དྲི་ཡིས་བྱུག་པ་དང་།། ལྷ་ཡི་དངོས་གྲུབ་ཞི་བྱེད་པ།། སྐུ་གསུང་ཐུགས་ཀྱི་རྡོ་རྗེ་ཅན།། ཕྱི
25a4 རོལ་དུ་ནི་ནག་པོ་སྟེ།། གཡས་པ་སྒོ་བཞི་པར་ནི་རབ་ཏུ་བརྟག། ཤར་དུ་ཁྲོ་གཉེར་མ་བཞག་སྟེ།། ལྷོར་ནི་འཇིགས་འཇིགས་བྱེད་མ།། ནུབ་ཏུ་རྟ་ཡི་གཟུགས་ཅན་མ།། བྱང་དུ་ཚོགས་ཀྱི་འདྲེན་མ་མོ།། མཁས
25a5 པས་པད་མ་འདབ་བརྒྱད་ལ།། རིག་མ་བརྒྱད་ནི་མཉམ་པོར་བྲི།། ཞི་བ་དང་ནི་ཞི་ཞལ་མ།། ཟླ་བ་མོ་དང་རི་བོང་ཅན།། རི་བོང་ཅན་གྱི་དཀྱིལ་འཁོར་མ།། རི་བོང་ཅན་འདྲི་ཤེས་རབ་མ།། ཡིད་ལ་འདོད་པར་བྱེད་པ
25a6 དང་།། དགེ་བ་རིག་མ་བརྒྱད་མཉམ་བྲི།། ཐམས་ཅད་ཞལ་གསུམ་ཕྱག་དྲུག་མ།། སྣ་ཚོགས་གཟུགས་མ་ཡིད་དགའ་མ།། ཕྱོགས་རྣམས་དང་ནི་མཚམས་རྣམས་སུ།། རྟག་པ་རུ་ནི་བྲི་བར་བྱ།། མཆོད་པ་གླིང་བུ་རྔ་དེ
iiif viewer powered by OpenSeadragon
