| e-texts navigator |
| Wylie |
24b1 མོའི་སྒྲ་རྣམས་ཀྱིས།། རྡོ་རྗེ་བདུད་རྩི་རྒྱུད་ཀྱི་མཆོག། དེ་ལྟར་མྱུར་བར་འགྲུབ་པར་འགྱུར།། བདུད་རྩི་ཁུ་བ་ཞེས་གསུངས་ཏེ།། དེ་ལས་འགྲོ་བ་གསུམ་སྐྱེས་པ།། དེ་ཉིད་ཀྱི་ནི་བགྲུབ་པ་བཤད།། ཁྱོད་ཀྱི་དགའ་ཕྱིར
24b2 བཞིན་བཟང་མ།། མདོར་བསྡུས་ནས་ནི་བཤད་པར་བྱ།། དེ་ནི་ང་ཡིས་བརྗོད་ཀྱིས་ཉོན།། སེམས་ཅན་ཀུན་ལ་ཕན་དོན་དུ།། སྦྱོར་བའི་རྡོ་རྗེ་བདུད་རྩི་མཆོག། རྣལ་འབྱོར་གང་གིས་ཤེས་འགྱུར་ན།། འཁོར་བའི
24b3 བཅིངས་ལས་མྱུར་བར་གྲོལ།། བསྟན་དུ་མེད་ཅིང་ཡེ་ཤེས་ཆེ།། དངོས་གྲུབ་འཇིག་རྟེན་གསུམ་པའོ།། སྐུ་གསུང་ཐུགས་ཀྱི་གྲུབ་དོན་དུ།། འགྲུབ་པ་པོ་ནི་བདེ་བ་སྤྱོད།། རྡོ་རྗེ་པད་མ་མཉམ་སྦྱོར་བས།། རྡོ་རྗེ་བདུད
24b4 རྩི་དབྱུང་བར་བྱ།། བྷ་གའི་པད་མར་འོ་བྱ་ཞིང་།། བདག་མོས་རྡོ་རྗེ་འོ་བྱ་བ།། རྡོ་རྗེ་བདུད་རྩི་བདེ་བ་ཆེ།། བཅོམ་ལྡན་རྡོ་རྗེ་དེ་གསུངས་སོ།། བྷ་གའི་པད་མར་འོ་བྱས་པས།། དེ་ཚེ་དགའ་བའི་ལྷ་མོ་དེས།། རྡོ་རྗེ
24b5 བདུད་རྩི་ལས་བྱུང་བའི།། ཉམས་དགའ་གསང་བའི་དཀྱིལ་འཁོར་ཞུས།། ཆོ་གའི་རིམ་པ་གང་གིས་ནི།། མཆོད་པའི་དཀྱིལ་འཁོར་བརྩམས་པར་བྱ།། དེ་ལ་མཆོད་པ་ཇི་ལྟ་བུ།། དེ་བཞིན་དཀྱིལ་འཁོར་ཇི་ལྟར
24b6 ལགས།། དགའ་བ་ཆེན་པོ་རྙེད་དཀའ་བ།། རབ་ཏུ་དགྱེས་ནས་བཀའ་སྩལ་འཚལ།། དེ་ནས་བཅོམ་ལྡན་རྡོ་རྗེ་ཅན།། རྡོ་རྗེ་བདུད་རྩི་བདེ་བ་ཆེ།། འོ་མཛད་པས་ནི་མཉེས་འགྱུར་ཏེ།། སྐུ་གསུང་ཐུགས་ཀྱི་སྒྲུབ་དོན
iiif viewer powered by OpenSeadragon
