| e-texts navigator |
| Wylie |
23a1 ཚོགས་ཀྱི་སྤྱོད་པ་སྤོང་ལེན་མེད་པར་སྤྱོད་པ་དང་། ཚོགས་ཀྱི་སྤྱོད་པ་འཆིང་གྲོལ་མེད་པར་སྤྱོད་པའོ།། །། དེ་ལ་ཚོགས་ཀྱི་སྤྱོད་པ་ཐབས་དང་ཤེས་རབ་ཏུ་སྤྱོད་པ་ནི།། ཡོ་ག་ཕྱི་བ་མན་ཆོད་ཀྱི
23a2 སྒོར་ཞུགས་པ། ཚོགས་མཆོད་ལྷ་ཅི་སྨོས་ཀྱི། འདོད་པའི་ཡོན་ཏན་གང་ལ་ཡང་སྐྱོན་ལྟ་བའི་ནང་ནས་ཀྱང་། ཐབས་དང་ཤེས་རབ་ལ་འཆིང་བས་བཤལ་ཐག་གཏད་པ་སྟེ། རྡོ་རྗེ་ཐེག་པའི་ཐབས་ལ་མཁས་པའི
23a3 གནས་སྐབས་ན། ཐམས་ཅད་ཐབས་དང་ཤེས་རབ་དབྱིངས་དང་ཡེ་ཤེས་ཀྱི་རང་བཞིན་པས། འདོད་པའི་ཡོན་ཏན་ལ་སོགས་པ་ཐམས་ཅད་ལ། མ་སྤངས་པར་འཇོལ་ཏོག་ཏུ་སྤྱོད་པ་མ་ཟད། དེ་ཉིད་ཆོས་ཉིད་དག
23a4 པའི་རྒྱན་དུ་རིག་ནས། དགའ་བདེ་ལོངས་སྤྱོད་པ་ཉིད་ཀྱི། གཉིས་སུ་མེད་པ་ཆོས་ཀྱི་ཆོས་ཀྱི་སྐུ་ཐོབ་པར་འགྱུར་བའོ།། དེ་ལ་ཚོགས་ཀྱི་སྤྱོད་པས་སྤོང་ལེན་མེད་པར་སྤྱོད་པ་ནི།། ཡོ་ག་ཕྱི་བ་མན་ཆད་ཀྱིས་འདི
23a5 གཙང་མ་རིགས་ཡིན་ཏེ་འཕགས་པ་མཆོད་རྒྱུ་ཡིན་ལ།། འདི་མི་གཙང་བ་དང་སྨེ་བ་ཡིན་པས་འཕགས་པ་མཆོད་རྒྱུ་མ་ཡིན་ཞེས།། སྤོང་ལེན་དུ་སྤྱོད་པ་མ་ཡིན།། ཆོས་ལ་བདག་མེད་པའི་བཞིན་ལ།། རྣམ་པར
23a6 རྟོགས་པའི་མིང་ཡང་མེད་པས།། གཙང་མ་ཡང་ལྷ་ཡི་ཞལ་ཟས་ཡིན་ལ།། མི་གཙང་བ་ཡང་ལྷ་ཡི་ཞལ་ཟས།། གཉིས་སུ་མེད་པ་ཉིད་འཕགས་པའི་དགོངས་སྤྱོད་དང་།། འཕགས་པའི་སྐུར་སྒྲུབ་པས།། གང་ལ་ཡང
iiif viewer powered by OpenSeadragon
