| e-texts navigator |
| Wylie |
138b1 གསང་གཟེར་བཤད་དོ།། དེ་ལ་ཚུལ་དྲུག་དཔེ་དང་དོན་དང་གསུམ།། གསང་བ་བསྐུར་ཚུལ་ཉམས་དག་ལས།། རང་འབྱུང་ཡེ་ཤེས་ཐིག་ལེའོ།། བླ་ན་མེད་པའི་གཟེར་ཆེན་ནི།། དཔེ་ཡི་གཟེར་གྱི་ངོ་སྤྲོད་གཅེས།། རྟགས་ཀྱི་གཟེར་ཐབས
138b2 འབྲེལ་པ་གཅེས།། བརྡ་གཅིག་བསྟན་པས་དོན་རྣམས་འཆར།། བརྡ་ཡི་གཟེར་ནི་རྟགས་ལ་བསྟན།། རྟགས་དེ་དོན་ལ་འཆར་བར་འགྱུར།། ཞེས་གསུངས་སོ།། ལྷ་འདྲེ་གཉིས་མེད་ཀྱི་རྒྱུད་ལས།། ཕྱི་ནང་གསང་བ་གབ་པ་ཐུགས་རྡོལ་བའི
138b3 ལེའུ་སྟེ་སོ་གཅིག་པའོ།། །། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོས།། རྡོ་རྗེ་ཆོས་ཀྱི་བློ་གྲོས་ལ།། ཐར་པའི་ལམ་ཆེན་རྒྱུད་ཀྱི་རྒྱལ་པོ་འདི།། བྱིན་རླབས་རྒྱལ་པོའི་རྒྱུད་དུ་ཟུང་།། ལྷ་དང་འདྲེ་སྲིན་མི་གྲོལ་བས།། ལྷ་འདྲེ
138b4 གཉིས་མེད་རྒྱུད་དུ་ཟུང་།། ཐམས་ཅད་མ་ལུས་རྫོགས་པས་ན།། ཀུན་འདུས་ཐིག་ལེའི་རྒྱུད་དུ་ཟུང་།། ཞེས་གསུངས་སོ།། རྡོ་རྗེ་ཆོས་ཀྱི་བློ་གྲོས་དང་།། མཁའ་འགྲོ་མ་ཉི་མའི་སེང་གེ་རྗེས་སུ་ཡི་རངས་སོ།། ལྷ་འདྲེ་གཉིས་མེད་ཀྱི་རྒྱུད་ལས།
138b5 རྒྱུད་གཏད་པའི་ལེའུ་སྟེ་སོ་གཉིས་པའོ།། །། ཆོས་ལས་འདས་པའི་རྒྱུད་རྫོགས་སོ།། མངྒ་ལ
iiif viewer powered by OpenSeadragon
