| e-texts navigator |
| Wylie |
12b1 ཕྱེ། སུ་ར་ཏ་སྟྭཾ་གྱིས་བསྐུལ་བས། དེ་བཞིན་གཤེགས་པ་ཐམས་ཅད་དགེས་པ་གཅིག་ཏུ་བདར་ཏེ། མཉེས་པ་ཆེན་པོ་ཐུགས་དམ་སྐོངས། དོན་དབྱིངས་དང་ཡེ་ཤེས། རྟགས་ཐབས་དང་ཤེས་རབ་གཉིས་སུ་མེད་པར
12b2 ལྷུན་གྱིས་གྲུབ་པའོ།། དེ་ནས་གསང་བའི་མཁའ་ལ་སེམས་ཅན་ཐམས་ཅད་གནས་སྦར་ཏེ་དབང་བསྐུར་བ་ནི། ནམ་མཁའ་གང་དང་གང་དུ་ཁྱབ་པར། ཆོས་ཀྱི་དབྱིངས་ཀྱིས་ཁྱབ་ལ། ཆོས་ཀྱི་དབྱིངས་ཀྱིས་གང་ནས
12b3 གང་དུ་ཁྱབ་པར། ཡུམ་གྱི་མཁའ་ཀློང་རྣམ་པར་དག་པས་ཁྱབ་པས། སྣོད་ཀྱི་འཇིགས་རྟེན་ཐམས་ཅད་ཡུམ་གྱི་མཁའ་དབྱིངས་རྣམ་པར་དག་པའི་གཞལ་ཡས་ཁང་དུ་གྱུར་པའི་ནང་ནས་མཐའ་ཡས་སེམས
12b4 ཅན་ཐམས་ཅད་ཀྱི་སེམས་མར་མེ་རླུང་གིས་མ་བསྐྱོད་པར་གནས་པ་ལྟ་བུ་ལས། ཀུན་གཞི་ཨའི་རང་བཞིན་དང་། ཡིད་ཧཱུཾ་གི་རང་བཞིན་དུ་འདུས་ཏེ། ཡབ་ཡུམ་འོད་བསྣོམ་མར་བསྟིམས་པས། ཨཱཿདང་། ཧཱུཾ་དང་།
12b5 བྱང་ཆུབ་སེམས་གསུམ་དུ་འདྲེས་པ་ལས། ཐམས་ཅད་རྡོ་རྗེ་སེམས་དཔའ་དང་། ཀུན་ཏུ་བཟང་པོའི་སྲས་དུ་གྱུར་ཏེ། སེམས་ཅན་ཐམས་ཅད་རྒྱལ་བའི་སྲས་དུ་བཞེས། དཀྱིལ་འཁོར་གྱི་ལྷ་རྣམས་ཀྱིས་ཀྱང་རྡོ་རྗེའི
12b6 མིང་གིས་དབང་བསྐུར་ཏེ། སངས་རྒྱས་ཀྱི་གདུང་འཛིན་ཅིང་བྱང་ཆུས་སེམས་ཀྱིས་དབང་བྱིན་ཏེ་བཞག་པའོ།། དེ་ནས་དཀྱིལ་འཁོར་གྱི་ལྷ་ལ་བྱང་ཆུབ་སེམས་ཀྱི་མཆོད་པ་དབུལ་བ་ནི། མེ་ལོང་རང་ཡུལ་ཅན་གྱི
iiif viewer powered by OpenSeadragon
