| e-texts navigator |
| Wylie |
12a1 དང་ལྔའོ།། དེ་ལ་དང་པོ་གཟུངས་མ་བྱིན་གྱིས་བརླབ་པ་ནི། གཟུངས་མ་ཉིད་ཡུམ་ཤེས་རབ་ཀྱི་ཕ་རོལ་ཏུ་ཕྱིན་མའི་རང་བཞིན་དུ། དུས་གསུམ་བདེ་བར་གཤེགས་པའི་བཞུགས་གནས་གཞལ་མེད
12a2 ཁང་དུ་བྱིན་གྱིས་བརླབ་ལ། གསང་བའི་མཁའ་ལ་དཀྱིལ་འཁོར་གྱི་ལྷ་ཚང་བར་བསྒོམ་པ་དང་། གནས་ལྔར་ཡི་གེ་འབྲུ་ལྔ་ལས་རིགས་ལྔར་གྱུར་པ་དང་། གསང་བའི་ཡུམ་བཞིས་བསྐོར་བར་བསྒོམས་པ་བྱིན་གྱིས
12a3 བརླབ་བོ།། དེ་ནས་གཉིས་སུ་མེད་པར་སྦྱར་བ་ནི། དང་པོ་སྤྱན་གྱི་བརྡ་ཞིག་མཛད་དེ་འདིས་བསྐུལ་ལོ། མཚན་མཆོག་བརྒྱན་པའི་ཡུམ་མཆོག་ཤེས་རབ་སྤྱན།། ཤེས་རབ་དོན་གྱིས་རྒྱལ་བའི་ཐུགས་དམ
12a4 བསྐུལ།། མི་དམིགས་སྙིང་རྗེ་ཐམས་ཅད་ཡོངས་ལ་སྙོམས།། ཐབས་དང་ཤེས་རབ་ཚུལ་ཁྲིམས་ཀྱིས།། ས་མ་ཡ་སྟྭཾ།། ཞེས་བསྐུལ་བ་དང་།། ཡུམ་གྱིས་ཡབ་ལ་འདི་སྐད་ཅེས་བསྐུལ་ལོ།། ཐབས་ལ་མཁས་པས་འགྲོ
12a5 བ་འདྲེན་པའི་གཙོ།། འཁོར་བ་སྤངས་ནས་གནས་སུ་དག་པ་ལ།། འཕགས་པ་རྣམས་ལ་དགེས་པའི་ཐུགས་དམ་བསྐུལ།། བདེ་བ་ཆེན་པོའི་མཆོད་པ་རྒྱན་དུ་བཞེས། ས་མ་ཡ་ཧཱུཾ།། ཞེས་བསྐུལ་བས། ཡབ་ཀྱི་ཕྱག་རྒྱ
12a6 ཆེན་པོ་བཞིས་མཉམ་པར་སྦྱར། ཧཱུཾ་ལས་གསང་བའི་རྡོ་རྗེའི་རྩེ་ལྔ་པར་བསྒོམ།། རྡོ་རྗེའི་རྭ་ལྔ་ལ་རིགས་ལྔའི་སྙིང་པོ་དགོད། ཡུམ་གྱི་མཁའ་ལས་པདྨ་འདབ་བརྒྱད་ལ་ཡུམ་གྱི་སྙིང་པོ་དགོད། པྲ་བེ་ཤ་ཕཊ་ཀྱིས་སྒོ
iiif viewer powered by OpenSeadragon
