| e-texts navigator |
| Wylie |
11b1 མེད་པའོ།། ཚོགས་རྒྱུད་ཆེན་པོ་ལས།། སྤྱོད་པའི་ལེའུ་སྟེ་བཅུ་བཞི་པའོ།། །། རྡོ་རྗེ་སེམས་དཔས་དེ་སྐད་ཅེས་བཀའ་སྩལ་པས། རིགས་ལྔ་ཡབ་ཡུམ་དང་། སེམས་དཔའ་དང་། སེམས་མ་དང་། ཁྲོ་བོ་དང་། ཁྲོ
11b2 མོ་དང་། སྤྲུལ་པ་དང་། ཡང་སྦྲུལ་དང་། ཅི་བགྱི་དང་བཀའ་ཉན་དང་། དམ་ལ་བཏགས་པའི་འཁོར་ཐམས་ཅད་ཀྱིས་དགྱེས་པ་ཆེན་པོའི་ཚོགས་ལ་ལོངས་སྤྱོད་སྐུ་ཉམས་སུ་བསྟར་ནས། ཐམས་ཅད་གཉིས་སུ་མེད
11b3 པའི་ཆོས་ཀྱི་སྐུར་ལྷུན་གྱིས་གྲུབ་ནས་བཞུགས་སོ།། རྣལ་འབྱོར་གྱི་ཚོགས་རྒྱུད་ཆེན་པོ་ལས། ཡོངས་སུ་རྫོགས་པའི་ལེའུ་སྟེ་བཅོ་ལྔ་པའོ།། །། རྫོགས་སོ།། །།
11b4 ཚོགས་རྒྱུད་ཆེན་པོ་རྩ་རྒྱུད་དང་ཕྱི་མ་འདི་བོད་དུ་འགྱུར་རོ།། གསང་བ་བསྐྱེད་རྫོགས་གསུམ་གྱི་ཕུག་ཐུགས། སྣརུབས་སངས་རྒྱས་ཡེ་ཤེས་རིན་པོ་ཆེས་སྐད་གསར་བཅད་ཀྱིས་ཀྱང་བཅོས་ཏེ།།
11b5 སྟོང་ཚབ་འཕགས་པ་རིན་པོ་ཆེ་ལ་བཤད།། །། དེ་ནས་གསང་བ་ཟབས་དང་ཤེས་རབ་བྱང་ཆུབ་སེམས་ཀྱི་མཆོད་པ་ལ་ཡང་དོན་རྣམ་པ་ལྔ་སྟེ། གཟུངས་མ་བྱིན་གྱིས་བརླབ་པ་དང་། གཉིས་སུ་མེད་པར་སྦྱར
11b6 བ་དང་། གསང་བའི་མཁའ་ལ་སེམས་ཅན་ཐམས་ཅད་གནས་སྦར་ཏེ་དབང་བསྐུར་བ་དང་། དཀྱིལ་འཁོར་གྱི་ལྷ་ལ་བྱང་ཆུབ་སེམས་ཀྱི་མཆོད་པ་འབུལ་བ་དང་། བྱང་ཆུབ་སེམས་རྡོ་རྗེ་ལྕེའི་དངོས་གྲུབ་བླངས་པ
iiif viewer powered by OpenSeadragon
