| e-texts navigator |
| Wylie |
35b1 དུ་སངས་རྒྱས་པ་དེ་ལ། ཡེ་སུས་ཀྱང་མ་བྱས། ཡེ་སུས་ཀྱང་མ་བཅོས། དོན་གྱི་ངེས་པ་ཕྱིན་ཅི་ལོག་ཏུ་ཅིས་ཀྱང་མི་འགྱུར་བའི་ནམ་མཁའི་རྣམ་པ་བཞིན་དུ་ཡེ་ནས་གནས་པ་དེ། སངས་རྒྱས་ཞེས་བྱའི་རང་བཞིན
35b2 ཡིན་པར་གསུངས་སོ།། དེ་ལས་སངས་རྒྱས་ཀྱི་མཚན་ཉིད་ནི།། དཔེར་ན་ནམ་མཁའ་ལ་བླུན་པོས་བགོ་བཤའ་བྱེད་པ་དང་འདྲ་སྟེ། གནས་སྐབས་ལ་ལར་སེམས་ཀྱི་མཚན་ཉིད་སོ་སོར་འཛིན་ན། སངས་རྒྱས་ཀྱི
35b3 མཚན་ཡང་སོ་སོར་སྣང་ངོ་།། གནས་སྐབས་ལ་ལར་སེམས་ཀྱི་མཚན་ཉིད་ཐ་དད་མེད་ན། སངས་རྒྱས་ཀྱི་མཚན་ལ་ཡང་ཐ་དད་མེད་པར་བསྟན་ནོ།། དེའི་ཕྱིར་ན་སངས་རྒྱས་ཀྱི་མཚན་ཉིད་ཇི་ལྟ་བུར་འདུལ་བའི
35b4 དོན་ལས་མཚན་དུ་བཏགས་སོ།། སངས་རྒྱས་ཀྱི་སྐུ་ཡི་ཆ་ལུགས་དང་། ཡབ་དང་ཡུམ་དང་། བཙུན་མོ་དང་། སྲས་དང་། ཞིང་ཁམས་དང་། ཕོ་བྲང་དང་། འཁོར་དང་། གནས་དང་། རིས་སུ་བསྟན་པ་ནི། སངས་རྒྱས
35b5 ལ་སྐུ་ཡི་ཆ་ལུགས་དང་ཡུལ་ལ་སོགས་པ་རིས་སུ་ཕྱེ་བ་མེད་ཀྱང་། སེམས་ཅན་ལ་སྡེ་ཚན་དང་། ཡུལ་དང་། གནས་སུ་འཛིན་པ་དང་། དེ་འདུལ་བའི་ཐབས་སུ་བསྟེན་པ་ལ་སེམས་ཀྱི་རྣམ་པ་ཕྱེ་བ་མེད་ན། སངས
35b6 རྒྱས་ལ་ཡང་རིས་སུ་ཕྱེ་བ་མེད་དོ།། སངས་རྒྱས་ཀྱི་སྐུ་ཆེའི་ཚད་མི་མངའ་བར་བསྟན་པ་ཡང་། སངས་རྒྱས་དང་སེམས་ཅན་ལ་ཚེ་ཡི་ཚད་དམ།། སྐྱེ་འཆི་དང་།། འཕོ་འགྱུར་མེད་དོ།། ལོག་པར་འཛིན་པའི་སེམས
iiif viewer powered by OpenSeadragon
