| e-texts navigator |
| Wylie |
35a1 འཕོ་འགྱུར་ལས་འདས་པས། མ་བྱོན་པའི་སངས་རྒྱས་ཐམས་ཅད་ནི་ཡིད་རང་བྱུང་གི་ཡེ་ཤེས་བཙལ་བ་མེད་པར་འདུས་སོ།། དེས་ན་དུས་གསུམ་གྱི་སངས་རྒྱས་ཐམས་ཅད་ཀྱང་སྤྲོས་པ་མེད་པའི་ཐིག
35a2 ལེ་མི་འགྱུར་བའི་གཡུང་དྲུང་དུ་འདུས་སོ།། དེ་ནས་བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀས་ཉིད་ལ། ཆེད་དུ་བརྗོད་པ། དེ་ལ་སངས་རྒྱས་ཞེས་བྱ་བའི་རང་བཞིན་ནི། ཇི་ལྟར་མཚན་མའི་དངོས་པོ་ཐམས
35a3 ཅད་ལ།། ཡེ་ནས་འདི་འདྲ་ཞེས་བྱ་བ་གྲུབ་ཅིང་རྟག་པ་མེད་པ་ལས་ཆོས་ཐམས་ཅད་ཆོས་ཉིད་དུ་སངས་རྒྱས་པས། དེ་སྟོང་ཞིང་ཆད་པའི་མཐའ་མ་ཡིན་ལ། གོ་ཞིང་རྟོགས་པའི་ཤེས་རབ་ནང་ནས་རྟོགས
35a4 པས། ཐམས་ཅད་ཆོས་ཉིད་བདེ་བ་ཆེན་པོའི་ཀློང་དུ་སངས་རྒྱས་པའི་རང་བཞིན་ཡིན་པས། སྐྱེ་འགྲོ་མིང་དང་གཟུགས་ཀྱི་བསྡུས་པ་ཐམས་ཅད་ཡེ་ནས་ཕྱོགས་དང་། རིས་དང་། གཟུགས་དང་། ཁ་དོག་ཏུ་གྲུབ་ཅིང
35a5 བརྟག་པ་གང་ཡང་མེད་པས། ཐམས་ཅད་ཡེ་ཤེས་ཆེན་པོའི་རང་བཞིན་དུ་སངས་རྒྱས་ཤིང་། ཚིག་དང་ཡི་གེ་ལས་འདས་པའི་རིགས་པ་རང་དབང་དུ་གྱུར་པས། ཆོས་ཐམས་ཅད་ཆོས་ཀྱི་སྐུ་འཕོ་འགྱུར་མེད་པའི་རང
35a6 བཞིན་ཡིན་པ་དང་། དེ་ལྟར་ཕྱི་ནང་སྣོད་བཅུད་དུ་གྲགས་ཤིང་། བསྟན་པ་ཐམས་ཅད་ཡེ་ནས་གཉིས་སུ་མེད་པའི་བྱང་ཆུབ་སེམས་ཡིན་ལ། སེམས་དང་སེམས་ཀྱི་རྣམ་པ་ཡང་ཡེ་ནས་ཀུན་ཏུ་བཟང་པོའི་རང་བཞིན
iiif viewer powered by OpenSeadragon
