| e-texts navigator |
| Wylie |
34b1 འདས་ཆོས་ཐམས་ཅད་ཀྱི་རང་བཞིན་བརྗོད་པ་མེད་པ་ཉིད་དུ་བརྗོད་དེ།། སྐྱེ་འགག་གཉིས་སུ་མེད་པར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྐབས་བཅུ་བདུན
34b2 པའོ།། །། བདེ་གཤེགས་རྒྱལ་བའི་དགོངས་དོན་ཁྲོ་བོ་འདུས་པའི་ཡང་སྙིང་རྫོགས་སོ།། །། བཅོམ་ལྡན་འདས་དཔལ་ཀུན་ཏུ་བཟང་པོ་ཧེ་རུ་ཀ་ལ་ཕྱག་འཚལ་ལོ།། དེ་ནས་བཅོམ་ལྡན་འདས
34b3 དཔལ་ཀུན་ཏུ་བཟང་པོ། ཐམས་ཅད་འདུས་པ་ཀུན་ཏུ་བཟང་པོའི་སངས་རྒྱས་སུ་མ་གྱུར་པ་མེད་པ་ཡི། ཐམས་ཅད་དུ་ཁྱབ་བརྡལ་བའི་འཁོར་ཚོགས་ཐམས་ཅད་ལ་འདི་ལྟ་སྟེ། ཆོས་ཐམས་ཅད་ཡེ་ནས་སངས་རྒྱས
34b4 པ་མེད་པའི་སངས་རྒྱས་དང་། ཆོས་ཐམས་ཅད་གཉིས་སུ་མེད་ཅིང་ཐ་མི་དད་པས། ཐམས་ཅད་དུ་སོ་སོ་མ་ཡིན་པ་ཐ་མི་དད་པའི་སངས་རྒྱས་ལ་སོགས་པ་ཐམས་ཅད་ཀུན་ཏུ་བཟང་པོའི་སངས་རྒྱས་སུ་གྱུར་པས།
34b5 ཉིད་ལ་ཉིད་གསུང་དུ་མེད་པའི་བཀའ་འདུས་པར་གསུངས་པ་ནི་འདི་ལྟ་སྟེ། ཆོས་ཐམས་ཅད་བརྗོད་དུ་མེད་ཅིང་བརྗོད་པ་ལས་འདས་པ། འདས་པའི་སངས་རྒྱས་ཐམས་ཅད་ནི་ཆོས་ཉིད་མ་སྐྱེས་པའི་རང་བཞིན་དུ
34b6 འདུས་སོ།། ཆོས་ཐམས་ཅད་བསམ་དུ་མེད་ཅིང་བསམ་པ་ལས་འདས་པས། ད་ལྟར་གྱི་སངས་རྒྱས་ཐམས་ཅད་ནི་བྱང་ཆུབ་ཀྱི་སེམས་བདེ་བ་ཆེན་པོར་འདུས་སོ།། ཆོས་ཐམས་ཅད་ནི་ཇི་ལྟ་བུར་འགྱུར་བ་མེད་ཅིང
iiif viewer powered by OpenSeadragon
