| e-texts navigator |
| Wylie |
34a1 བའི་བཀའ་འདི་ནི།། མོས་པའི་དད་པའི་འདི་ཚོལ་ན།། ཡིད་ལ་བསམས་པ་ཐམས་ཅད་ཀུན།། ཀུན་ཏུ་བཟང་པོ་ཉིད་དུ་འགྱུར།། ཐོག་མ་ཉིད་ནས་ངེས་པའི་དོན།། ཡེ་ཤེས་ཉི་མ་རང་ལ་འཆར།། རང
34a2 རིག་ཡེ་ཤེས་ནང་ནས་འབྱུང་།། ཇི་ལྟར་བྱས་ཀྱང་བདེ་བ་ཆེ།། མ་བཙལ་མ་བསྒྲུབས་མ་བསྒོམས་ཀྱང་།། ངེས་པའི་དོན་ཉིད་མ་གྲུབ་མེད།། ཡེ་ནས་མཁའ་ལྟར་མཉམ་པར་གནས།། བརྩོན་ཞིང་བསྒྲུབས་ཀྱང་སྐྱོན
34a3 མེད་དེ།། ངེས་པར་འདི་ལྟར་ཡིད་ཆེས་ན།། མ་བཙལ་ན་ཡང་འགྲུབ་པར་འགྱུར།། བདག་ཉིད་སངས་རྒྱས་ཡིན་ཤེས་ན།། རྒྱུད་ལུང་འདི་ལ་སུ་གནས་པ།། འགྲུབ་འགྱུར་འདི་ལ་ཐེ་ཚོམ་མེད།། ཆོས་ཉིད་དོན་བསྟན
34a4 སེམས་མི་འགྱུར།། ཡིན་པར་ཡིད་ཆེས་སྐྱོ་དུབ་མེད།། ངེས་པར་ཤེས་པས་བཙལ་མི་དགོས།། ནན་ཏན་བཏར་བས་གདོད་ནས་དག། བྱང་ཆུབ་སེམས་ལ་ལྷན་ནེ་བ།། བསྒོམ་དུ་མེད་དེ་འགྱུར་བ་མེད།། བཙལ་དུ
34a5 མེད་དེ་སྤང་དུ་མེད།། དེ་ལ་བགྲོད་དུ་ཀ་ནས་མེད། སངས་རྒྱས་བསྟན་པའི་བཀའ་རྣམས་ཀུན།། དོན་དུ་མ་གྱུར་གཅིག་ཀྱང་མེད།། དེ་བས་མ་ནོར་ངེས་པའི་བཀའ།། སངས་རྒྱས་འདུས་པའི་རྒྱུད་འདི་ནི།། འདི་ནི
34a6 གཞན་ལ་བསྟན་པ་བས།། སྣོད་མེད་རྣམས་ལ་བཤད་པ་ན།། ལྟུང་བའི་ཉེས་པ་བརྗོད་མི་ལང་།། དེ་བས་བདེ་གཤེགས་དགོངས་པའི་དོན།། སེམས་ཀྱི་གཏིང་དུ་རང་རྒྱས་གདབ།། ཅེས་བཅོམ་ལྡན
iiif viewer powered by OpenSeadragon
