| e-texts navigator |
| Wylie |
33b1 ཉིད།། མཐར་འགྱེད་བཟློག་པ་ལྷ་གནོད་དོ།། གཏུབ་ཅིང་དྲལ་བ་དཀྲུག་པ་སྟེ།། མ་ནོར་བཟླས་པས་གང་ཡང་འགྲུབ།། བཀའ་གསང་འཁོར་ལོའི་ལས་ཡིན་པས།། བསྲུང་དང་བཟློག་དང་གཤེགས་པ
33b2 དང་།། གསད་དང་སྟོབས་མནན་རང་གཤེད་དབབ།། དབྱེ་དང་དྲལ་བ་ལ་སོགས་བྱེད།། གསང་སྔགས་བཀའ་ཡི་འཁོར་ལོ་འདི།། བདེ་གཤེགས་རྒྱལ་བས་མི་ཐེག་ན།། བདུད་དང་མུ་སྟེགས་ལ་སོགས
33b3 པའི།། འཇིག་རྟེན་གཞན་དག་སྨོས་ཅི་དགོས།། དེས་ན་འཇིག་རྟེན་དྲེགས་པ་ཅན།། ཐམས་ཅད་འཁོར་ལོའི་དབང་དུ་བསྐོར།། ཅེས་གསུངས་སོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་འདུས་པའི་རྒྱུ
33b4 ལས། སྐབས་བཅུ་དྲུག་པའོ།། །། དེ་ནས་སངས་རྒྱས་ཐམས་ཅད་ཀྱི་དགོངས་པ་རྫོགས་པར་བརྗོད་པ། ཐམས་ཅད་ཡེ་ནས་སངས་རྒྱས་པས། རྒྱུ་རྐྱེན་རྩོལ་བས་མ་ཡིན་ཏེ།། ནམ་མཁའ་བཞིན་དུ་གནས
33b5 པ་ལ།། དེ་ལས་མི་འགྱུར་སངས་རྒྱས་ཡིན།། ཡེ་ནས་ཡིན་པའི་དོན་འདི་ན།། བསྟན་པས་ཡེ་ནས་ཡིན་པར་ཤེས།། དེ་དག་རྟོགས་པས་དྲོད་འབྱུང་བ།། དོན་དང་རྟགས་ཀྱི་འབྲས་བུ་འབྲང་།། གང་ཟག་འཁྲུལ་པ
33b6 མཐའ་དག་ནི།། ཡིན་ངེས་དོན་ལ་མི་ཕྱོགས་པར།། གཡེང་བ་འདུ་འཛིའི་ཆོས་ལ་མོས།། བྱིས་པ་བླ་ན་མེད་ལས་འདྲ་ལ།། བྱས་ཀྱང་ཟིན་པའི་དུས་མེད་པས།། དེ་བས་རྣལ་འབྱོར་རྫོགས་པ་ཆེ།། ཀུན་བཟང་རྒྱལ
iiif viewer powered by OpenSeadragon
