| e-texts navigator |
| Wylie |
21a1 གཅིག་ཐོས་པས་སངས་རྒྱས་ཏེ།། འཁོར་བ་བཙལ་ཡང་མི་རྙེད་དོ།། སངས་རྒྱས་མ་ལུས་འདུས་པ་ཡི། ཀུན་ཏུ་བཟང་པོའི་བཀའ་འདི་ནི། ནམ་མཁའ་བཞིན་ཏེ་འགྱུར་བ་མེད།། ཡེ་ཤེས་ཉི་མ་དང་འདྲ
21a2 བས།། གསལ་བ་དེ་ལ་འཆར་ནུབ་མེད།། ཡེ་ནས་ཡིན་པས་འཛིན་རྟོགས་མེད།། ལྷུན་གྱིས་གྲུབ་པས་འཕོ་འགྱུར་མེད།། དེ་བཞིན་ངེས་པས་མ་ཡེངས་བསྒོམ།། ཇི་ལྟར་སྣང་བའི་ཆོས་རྣམས་ཀུན། འདི་འདྲར་ཚིག
21a3 གིས་མཚོན་དུ་མེད།། མན་ངག་ཀློང་ཆེན་ཡེ་བརྡལ་བས།། བདེ་བ་ཆེན་པོར་ཡེ་སངས་རྒྱས།། ཅིས་ཀྱང་མི་འགྱུར་བྱང་ཆུབ་སེམས།། མ་བཅོས་ཡེ་ནས་ལྷུན་གྱིས་གྲུབ།། དེ་ལ་རྩོལ་མེད་མ་བཅོས་བཞག། ཅེས་ཆེད
21a4 དུ་གསུངས་པས། སངས་རྒྱས་ཐམས་ཅད་ཀྱི་དོན་འདུས་པར་གྱུར་ཏོ།། དེ་བཞིན་གཤེགས་པ་ཐམས་ཅད་ཀྱི་དགོངས་པ་འདུས་པའི་རྒྱུད་ལས། སྐབས་དང་པོའོ།། །། དེ་ནས་སངས་རྒྱས་ཐམས་ཅད་ཀྱི་རང
21a5 བཞིན་ཆེད་དུ་བརྗོད་པ། ཨེ་མ་ཧོ། སྣང་དང་མི་སྣང་འཁོར་བའི་ཆོས།། ཡོད་མེད་རྟག་ཆད་འཁོར་བའི་རྒྱུ། སངས་རྒྱས་སེམས་ཅན་འཁྲུལ་པའི་ཚིག། བདེ་དང་སྡུག་བསྔལ་ནོར་བའི་ལམ།། སྒྱུ་མ་སྨིག་སྒྱུ་འདྲ་བཞིན
21a6 དུ།། ཅིར་ཡང་མ་གྲུབ་ཅིར་ཡང་སྣང་།། དེ་བཞིན་ཆོས་རྣམས་ཐམས་ཅད་ཀུན།། ཐམས་ཅད་དེ་བཞིན་ཆོས་འདྲ་བས།། འདི་ལྟར་སྣང་བ་ཐམས་ཅད་ཀུན།། སངས་རྒྱས་ཉིད་ཀྱི་རང་བཞིན་ལས།། སངས་རྒྱས་གཞན
iiif viewer powered by OpenSeadragon
