| e-texts navigator |
| Wylie |
20b1 ཅད་འགྱུར་བ་མེད་ཅིང་འཕོ་འགྱུར་ལས་འདས་པས། མ་བྱོན་པའི་སངས་རྒྱས་ཐམས་ཅད་ནི་རང་བྱུང་གི་ཡེ་ཤེས་བཙལ་དུ་མེད་པར་འདུས་སོ།། དུས་གསུམ་གྱི་སངས་རྒྱས་ཐམས་ཅད་སྤྲོས་པ་མེད་པའི་ཐིག་ལེ་ཆེན
20b2 པོར་འདུས་སོ།། དེ་ལ་ཆེད་དུ་བརྗོད་པ། ཨེ་མ་ཧོ། སྣང་སྲིད་ཆོས་རྣམས་ཐམས་ཅད་ཡེ་ནས་སྟོང་།། འཁོར་བའི་ཆོས་ལ་ཡེ་ནས་སྟོང་།། འཁོར་བའི་ཆོས་ལ་དངོས་པོ་མེད།། སེམས་ཅན་འདི་ཞེས་བརྟག་པ་མེད།། དེ
20b3 བཞིན་མི་གནས་མྱ་ངན་འདས།། རྣམ་པར་ཐར་པའི་ཆོས་ཉིད་དང་།། བྱང་ཆུབ་སེམས་ཀྱི་རང་བཞིན་ནི། སུས་ཀྱང་མ་བྱས་སུས་བྱེད་ཡོད།། ནམ་མཁའ་བཞིན་དུ་ཡེ་གནས་ལ།། དེ་ལ་མཁས་པས་བཅོས་སུ
20b4 མེད།། དེ་ལྟར་དུས་གསུམ་འགྱུར་མེད་པས།། དེ་ནི་ཆོས་སྐུ་རྟག་པ་ཞེས།། ཀུན་གྱི་བདག་ཉིད་ཡིན་པར་བཤད།། དེ་ཡང་ཡེ་ནས་རང་བྱུང་དུ།། ཡེ་ཤེས་ཆེན་པོ་ཉིད་ཡིན་པས།། མེད་ཅིང་སྟོང་པར་མ་གྱུར་པས།། ཇི
20b5 ལྟར་བསམས་པ་བཞིན་དུ་འབྱུང་།། དཔེར་ན་ཡིད་བཞིན་རིན་ཆེན་རྟོགས།། འདི་འདྲ་རྟག་པར་མི་སྣང་ཡང་།། འདོད་པའི་དགོས་པ་འབྱུང་བ་བཞིན།། སེམས་ཀྱི་ཆོས་ཉིད་དེ་དང་མཚུངས།། ནོར་པར་བརྟགས་པས
20b6 མཚན་མའི་རྫས།། བག་ཆགས་སྐྱེས་པ་ཅི་བསམས་ཀྱང་།། དེ་ལ་རྟག་ཅིང་ངེས་མེད་པས།། འདུས་བྱས་ཆོས་ཞེས་དེ་ལ་བྱ།། དེ་བས་ཐམས་ཅད་འདུས་པའི་ཆོས།། བདེ་གཤེགས་ཀུན་བཟང་བཀའ་འདི་ནི།། ཚིག
iiif viewer powered by OpenSeadragon
