| e-texts navigator |
| Wylie |
20a1 མཁན་པོ་ཧཱཾ་ཀ་ར་དང་། བོད་ཀྱི་ལོ་ཙཱ་བ་གནུབས་ནམ་མཁའ་སྙིང་པོས་བསྐུར་བའོ།། །། རྒྱ་གར་སྐད་དུ། སརྦ་ཏ་ཐཱ་ག་ཏ་སྭ། བྷ་བྷི་ས་ས་ཏན་ཏྲ། བོད་སྐད་དུ།། དེ་བཞིན་གཤེགས་པ་ཐམས
20a2 ཅད་ཀྱི་དགོངས་པ་འདུས་པའི་རྒྱུད། བཅོམ་འདས་དཔལ་ཀུན་ཏུ་བཟང་པོ་ཧེ་རུ་ཀ་ལ་ཕྱག་འཚལ་ལོ།། དེ་ནས་བཅོམ་ལྡན་འདས་ཆོས་ཐམས་ཅད་ཀྱི་དེ་བཞིན་ཉིད། རིགས་ལྔ་དེ་བཞིན་གཤེགས་པའི་ངོ་བོ། སྐུ
20a3 གསུང་ཐུགས་རྡོ་རྗེའི་བདག་ཉིད། ཡེ་ཤེས་ཆེན་པོའི་རོལ་བ། གཉིས་སུ་མེད་པའི་ཐིག་ལེ། ཡོངས་སུ་བཀོད་པའི་སྙིང་པོ་ཐམས་ཅད་དུ་ཁྱབ་བརྡལ་བ་ནི་འདི་ལྟ་སྟེ། ཆོས་ཐམས་ཅད་ཡེ་ནས་སངས་རྒྱས་པ་མེད་པའི
20a4 སངས་རྒྱས། ཅིས་ཀྱང་བཙལ་དུ་མེད་པ། མི་འགྱུར་བ་འགྱུར་བ་མེད་པ། མ་བཅོས་པ་བཅོས་སུ་མེད་པ། མི་སྣང་བ་སྣང་བ་མེད་པ། མ་གྲུབ་པ་སྒྲུབ་ཏུ་མེད་པ། གཉིས་སུ་མེད་ཅིང་ཐ་མི་དད་པ། ཐམས་ཅད་དུ་སོ་སོ
20a5 མ་ཡིན་པའི་སངས་རྒྱས་དེ་ཉིད། ཉིད་ལ་ཉིད་གསུང་དུ་མེད་པའི་དགོངས་པར་འདུས་པ་གསུང་པ་ནི། ཆོས་ཐམས་ཅད་བརྗོད་དུ་མེད་ཅིང་བརྗོད་པ་ལས་འདས་པས། འདས་པའི་སངས་རྒྱས་ཐམས་ཅད་ནི་ཆོས
20a6 ཉིད་མ་སྐྱེས་པའི་རང་བཞིན་དུ་འདུས་སོ།། ཆོས་ཐམས་ཅད་བསམ་དུ་མེད་ཅིང་བསམ་པ་ལས་འདས་པས། ད་ལྟར་གྱིས་སངས་རྒྱས་ཐམས་ཅད་ནི་བྱང་ཆུབ་ཀྱི་སེམས་དེ་བདེ་བ་ཆེན་པོར་འདུས་སོ།། ཆོས་ཐམས
iiif viewer powered by OpenSeadragon
