| e-texts navigator |
| Wylie |
19b1 ཆོས་ཐམས་ཅད་རང་གི་སེམས་ཡིན་པའི་ཕྱོགས་དང་རིགས་མེད་པར་རང་བྱུང་གི་ཡེ་ཤེས་སུ་བརྡལ། ཕྱི་དང་ནང་མེད་པར་ཆོས་ཉིད་ཀྱི་ཀློང་དུ་ཤར། སྟེང་དང་འོག་མེད་པར་ཐིག་ལེ་ཆེན་པོའི་ཀློང་དུ་བརྡལ་པས།
19b2 དམྱལ་བ་སངས་རྒྱས་སུ་དོངས་སྤྲུགས། སྡུག་བསྔལ་ཆོས་ཉིད་དུ་ལ་ཟླས།། རྣམ་རྟོགས་ཡེ་ཤེས་སུ་ལམ་གཏོད།། རྒྱུད་དྲུག་བདེ་ཆེན་དུ་རྒྱས་བཏབ། མཐོན་དམན་ཀློང་ཆེན་དུ་ཁོད་བསྙམས། རྟག་ཆད་ཚིག་ལས
19b3 འདས་པར་སུན་ཕྱུང་། སེམས་ཡེ་ནས་སངས་རྒྱས་པར་བདེ་བརྡལ་བས།། དོན་འདི་ཚིག་ཏུ་བརྗོད་པ་དང་། རྟོགས་པ་དང་། ཀློང་དུ་གྱུར་པ་ལྟ་ཅི་སྨོས་ཀྱི། བཀའ་འདི་ཟུར་ཙམ་བསྟན་པས། བདག་དང་མཐའ་ཡས
19b4 པའི་སེམས་ཅན་ཐམས་ཅད་སངས་མི་རྒྱས་པའི་དབང་མེད་དེ་སངས་རྒྱས་པར་གྱུར་ཅིག། དེ་ལྟ་བུའི་བཀའི་མན་ངག་ཉིད་ཁུ་འདིས། ལུང་དང་མན་ངག་གི་སློབ་དཔོན་གྱི་སྔ་རབས་འདས་པ་དང་། ད་ལྟར་བཞུགས
19b5 པ་དང་། ཕྱིས་འབྱོན་པ་དང་། མན་ངག་གི་དོན་སྤྱོད་པའི་མཆེད་ཐམས་ཅད་ཟབ་མོའི་དོན་མཐར་ཕྱིན། གསང་བའི་མན་ངག་གཞན་ལ་མ་འཕེལ།། ངེས་པའི་འབྲས་བུ་མི་སླུ་བ་ཐོབ།། བཀའ་ཐིགས་པ་གཏེར་དུ
19b6 བླངས་ནས། ཀུན་ཏུ་བཟང་པོ་དབྱེར་མེད་པའི་ས་ལ་བྱ་བཙལ་མེད་པར་སངས་རྒྱས་པར་སྨོན་ཏོ། ཁྲོ་བོའི་ལྷ་ཚོགས་རྣམས་ལ་ཕྱག་འཚལ་བ་དང་། བཤགས་པའི་ཆོ་ག་ཁྲོ་བོའི་སྤང་སྐོང་རྫོགས་སོ།། རྒྱ་གར་གྱི
iiif viewer powered by OpenSeadragon
